Вы тут

Паштоўка з Каложы


Непасрэдна са Свята-Барыса-Глебскай (Каложскай) царквы, помніка праваслаўнага дойлідства ХІІ стагоддзя, цяпер можна адаслаць паштоўку ў любы пункт свету. Такую ініцыятыву святароў храма падтрымалі ў гродзенскім філіяле «Белпошты».

1387258171976_17-35

— Гэтая ідэя нарадзілася ў настаяцеля нашай царквы айца Аляксандра дзякуючы падарожжам, у якіх ён удзельнічаў. За мяжой ёсць такая паслуга: калі ты наведваеш вядомае гістарычнае месца, то можаш напісаць паштоўку і адправіць яе адтуль сваім бацькам, сваякам, знаёмым. Кіраўнік Гродзенскай абласной пошты Іван Пратасевіч з энтузіязмам успрыняў гэтую ідэю, і вось яна ажыццявілася, — кажа протаіерэй Георгій Рой.

Паштавікі вырабілі спецыяльную, стылізаваную пад даўніну скрыню, прадаставілі немаркіраваныя канверты, паштоўкі і штамп з выявай Каложскай царквы, якім пазначаецца дата паштовага адпраўлення. Паштоўку кідаюць у скрыню — і яна накіроўваецца на любы адрас, у рэгіёны Беларусі ці ў замежжа. Што тычыцца марак з выявай менавіта Каложскай царквы, то будзе зроблены дадатковы тыраж тых, якія выпускаліся раней, а таксама, верагодна, і новага ўзору. На гэты конт у святароў ужо ёсць паразуменне з «Белпоштай».

Новая паслуга святароў Каложскай царквы і паштавікоў «працуе» ўсяго каля тыдня, але ўжо відавочна, што будзе запатрабаванай.

— Гэтая навіна хутка разышлася, і я ўжо неаднойчы заўважаў, што людзі пытаюцца, як можна адправіць паштоўку, — кажа протаіерэй Георгій Рой.

Паштавікі правялі інструктаж для дзяжурных па храме: як дапамагчы людзям усё правільна аформіць. Усё проста, але з вялікім сэнсам. Паштоўка — гэта жывая памяць на доўгія гады, што не падуладна мабільнай сувязі і электроннай пошце.

Вось такі добры прыклад, варты пераймання і іншымі гістарычнымі, прывабнымі для турыстаў аб'ектамі Беларусі. Можна не сумнявацца, што паштавікі такія ініцыятывы падтрымаюць.

Барыс ПРАКОПЧЫК.
Фота Яраслава ВАНЮКЕВІЧА.

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.