Страты эканомікі ЗША з-за халадоў ацанілі ў 5 мільярдаў долараў
Страты амерыканскай эканомікі ад экстрэмальных халадоў з пачатку бягучага года склалі каля пяці мільярдаў долараў. Аналітыкі адзначылі, што непагадзь адбілася амаль на 200 мільёнах жыхароў ЗША — гэта дзве траціны насельніцтва краіны. Чакаецца, што негатыўны эфект так званай «палярнай варонкі» на 17-трыльённую амерыканскую эканоміку будзе кароткачасовым. У некаторых гарадах тэмпература апусцілася да мінус 40 градусаў. Па звестках Нацыянальнай метэаралагічнай службы ЗША, у бліжэйшы час надвор'е істотна палепшыцца і наступіць пацяпленне.
Японія заявіла аб намеры нацыяналізаваць 280 астравоў
Урад Японіі заявіў аб намеры нацыяналізаваць каля 280 прылеглых астравоў, якія не маюць пэўнага ўласніка, паведамляюць інфармагенцтвы. Працэс нацыяналізацыі, праграма якой была прынятая яшчэ пяць гадоў таму, мяркуецца завяршыць да чэрвеня. На дадзены момант ужо каля сотні астравоў, якія не маюць уладальнікаў, перайшлі ў дзяржаўную ўласнасць Японіі. Прыналежнасць 280 астравоў яшчэ трэба будзе высветліць. Складанасць працэсу заключаецца ў тым, што прыкладна 160 з іх не маюць нават назваў. Улады краіны пайшлі на такія меры, каб умацаваць свае правы на тэрыторыі эксклюзіўных эканамічных зон ва Усходне-Кітайскім моры. У 2013 годзе паміж Японіяй і Кітаем узнік канфлікт з-за спрэчных астравоў Сенкаку.
У Германіі модны брэнд адзення выкрылі ў гандлі «кацінымі шапкамі»
У Германіі разгарэўся скандал вакол буйной аптэчнай сеткі Muller і аднаго з вядомых брэндаў адзення, якое можна набыць і ў Беларусі. Іх выкрылі ў гандлі таварамі з футра хатніх жывёл, а дакладней — кошак, паведамляюць нямецкія СМІ са спасылкай на арганізацыю Anіmals Lіberty. Зоаабаронцы заявілі, што мех кошак прысутнічае ў футравых шапках моднага брэнда, а таксама пампонах, якія прадаюцца ў аптэках названай сеткі. У якасці доказу яны прадаставілі вынікі даследаванняў дзвюх незалежных экспертыз.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.