05 снежня, субота

Вы тут

ЦАРскія Каляды


У ноч з 13 на 14 студзеня ў вёсцы Семежава Капыльскага раёна чарговы раз з'явіліся «цары» — захавальнікі старажытнага беларускага каляднага абраду.

Сваім узнікненнем унікальны абрад абавязаны салдатам і афіцэрам царскай арміі, якія ў XVIII стагоддзі, знаходзячыся на Капыльшчыне, падчас калядных свят хадзілі па хатах мясцовых жыхароў і паказвалі вясёлыя сцэнкі. За ўсмешкі і добры настрой сяляне дзякавалі «акцёрам» прысмакамі. Салдаты пайшлі з вёскі, а яе жыхары захавалі традыцыю, узбагацілі святочнае дзеянне ўнікальнымі асаблівасцямі.

«Царская» дэлегацыя, што складаецца з «салдат» (маладых мужчын, апранутых па-святочнаму, у белае, падперазаныя крыж-накрыж саматканымі семежаўскімі паясамі), двух цароў, лекара, бабы і кульгавага дзеда, наведала двары семежаўцаў. Лічыцца, што калі «цары» завіталі ў хату, то наступны год будзе шчаслівы і багаты. У хаце хлопцы паказвалі эпізод гістарычнай драмы «Цар Максіміліян», спявалі і жартавалі.

цар 2

Калі на вуліцы стала цёмна, дарогу «царам» асвяцілі паходні.

На 17-ы год пасля адраджэння абраду частка «вопытных цароў» пакінула «прастол», саступіўшы месца маладым:

— Гэта першы год, калі я ўдзельнічаю ў «царах» як звычайны селянін, — расказвае «цар Мамай» са стажам Георгій Ціманаў. — Няхай маладыя цяпер пераймаюць і захоўваюць традыцыю. Я ім дапамагаю, падказваю, што і як трэба рабіць. Нават два семежаўскія паясы, якія мне падаравалі бабулі 17 гадоў таму, падчас першых «цароў», я прэзэнтаваў клубу.

У 2009-м народны семежаўскі абрад «Калядныя цары» быў уключаны ў спіс нематэрыяльнай культурнай спадчыны ЮНЕСКА.

Любоў БЯЛЯЕВА. Фота аўтара

 

Выбар рэдакцыі

Грамадства

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Мiтрапалiт Веньямiн: Нам усiм неабходна прасiць у Бога мудрасцi i разважлiвасцi

Патрыяршы экзарх падзялiўся сваiмi думкамi пра асаблiвасцi i сапраўдную небяспеку сённяшняга часу.

Спорт

16-гадовая тэнiсiстка Дар'я Хамуцянская:  На корце сяброў няма

16-гадовая тэнiсiстка Дар'я Хамуцянская: На корце сяброў няма

У яе планах — стаць лепшай за Арыну Сабаленку.

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.