Гэтымі днямі ў нашай краіне павялічыўся гранічны нарматыў кошт аднаго квадратнага метра жылля для атрымання льготнага крэдыту на нерухомасць — з 5,3 млн да 6,1 млн рублёў. Такія лічбы вызначаны пастановай Савета Міністраў №1191 ад 31 снежня 2013 года, якая апублікавана на Нацыянальным прававым інтэрнэт-партале.
Такім чынам, сёлета істотна павялічваюцца памеры льготных крэдытаў пад будаўніцтва жылля для чаргавікоў. У дакуменце гаворыцца аб вызначаным законам максімуме цэнніка квадратнага метра, які банк улічвае пры разліку максімальнага памеру льготнага крэдыту на будаўніцтва або набыццё жылога памяшкання. Розніцу паміж гэтай велічынёй і рэальным коштам аднаго «квадрата» льготнік кампенсуе за кошт уласных сродкаў або шляхам дадатковай пазыкі па лініі камерцыйнага крэдытавання.
Нагадаю, што сёлета беларускія банкі плануюць выдаць насельніцтву крэдытныя рэсурсы для будаўніцтва (рэканструкцыі) або набыцця жылых памяшканняў на агульную суму ў памеры 15,802 трлн рублёў, з якіх 14,764 трлн рублёў будуць выдадзены па сістэме льготнага крэдытавання. Цяпер ільготнікаў у краіне крэдытуюць два банкі — Беларусбанк і Белаграпрамбанк. Дарэчы, ільготны крэдыт на жыллёвую нерухомасць, згодна з Указам №13, могуць атрымаць малазабяспечаныя грамадзяне-чаргавікі «са стажам», шматдзетныя і маладыя сем'і, вайскоўцы, чарнобыльцы, інваліды і іншыя сацыяльна неабароненыя катэгорыі грамадзян. У мінулы раз нарматыў жыллёвага «квадрата» для банкаў павялічваўся з 4,6 млн рублёў да 5,3 млн рублёў летась у кастрычніку.
Сяргей КУРКАЧ
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.