Вы тут

Арэнднае жыллё зможа стаць сацыяльным


Дзеці-сіроты, дзеці, якія засталіся без апекі бацькоў, грамадзяне, што пацярпелі ад катастрофы на Чарнобыльскай АЭС, шматдзетныя сем'і ў залежнасці ад даходаў і некаторыя іншыя катэгорыі грамадзян змогуць па заяве перавесці арэнднае жыллё, якое яны займаюць, у разрад сацыяльнага.

Пра гэта заявіла падчас анлайн-канферэнцыі на тэму «Новаўвядзенні ў сістэме ЖКГ», якая прайшла на сайце БЕЛТА ўчора, начальнік аддзела юрыдычнай працы і кадраў Міністэрства жыллёва-камунальнай гаспадаркі Наталля КУХАРЧЫК.

Пры гэтым варта адзначыць, што прыватызаваць такое жыллё гэтыя катэгорыі грамадзян не змогуць, проста яны не будуць уносіць плату за карыстанне жылым памяшканнем.

Права пераводу арэнднага жылля ў разрад сацыяльнага, па словах Наталлі Кухарчык, прадугледжана Указам № 563 «Аб некаторых пытаннях прававога рэгулявання жыллёвых адносін», падпісаным Прэзідэнтам Беларусі ў снежні мінулага года. Але тычыцца яно толькі грамадзян, якія ўжо маюць або будуць мець права (напрыклад, пасля атрымання жылога памяшкання камерцыйнага выкарыстання) на атрыманне сацыяльнага жылля.

Святлана БУСЬКО

Выбар рэдакцыі

Грамадства

Як у Беларусі трансплантуюць органы

Як у Беларусі трансплантуюць органы

І чаму да нас на аперацыі едуць замежнікі.

Эканоміка

Прыватны бізнес выбірае Смілавічы

Прыватны бізнес выбірае Смілавічы

У гэтым упэўнілася карэспандэнт, наведаўшы пасёлак.