У ЗША не спыняецца снежная бура
Адміністрацыя ЗША абвясціла пра закрыццё дзяржаўных устаноў у Вашынгтоне з-за снежнай буры, якая ў аўторак абрынулася на паўночнаатлантычнае ўзбярэжжа і паўночны ўсход краіны. Таксама густы снег будзе ісці ў Нью-Ёрку і Філадэльфіі. Многія школы і офісы ў акрузе Калумбія таксама зачыняюцца. Студзень стаў анамальна халодным месяцам у ЗША. Мінусавая тэмпература была зарэгістравана ва ўсіх 50 штатах, уключаючы Гаваі. Зараз на ЗША і Канаду насоўваецца новая палярная віхура.
Жырыноўскі супраць тоўстых дэпутатаў
Лідар ЛДПР Уладзімір Жырыноўскі прапануе ўвесці яшчэ адзін стандарт здаровага ладу жыцця для дэпутатаў і чыноўнікаў — іх вага не павінна перавышаць 80 кілаграмаў. «Калі вышэй — чыноўніка з працы звальняць. І дэпутата», — заявіў кіраўнік ЛДПР. Ён адзначыў, што сёння ўвесь свет змагаецца з атлусценнем, і таксама дадаў, што цукар, соль, чай і кава шкодныя для здароўя — «усё канцэрагены або наркотыкі».
Не прымушайце дзяцей даядаць
Калі дзіця есць, седзячы за сталом, то верагоднасць развіцця атлусцення значна зніжана, паказаў эксперымент.
Таксама высветлілася, што дзеці, якія самі вызначаюць порцыі страў, з'ядаюць менш, чым дзеці, якім падаюць ежу бацькі. Менавіта пры такіх умовах дзіця вучыцца распазнаваць, калі яно наядаецца. Навукоўцы прасачылі за дзецьмі 2—5 гадоў. Высветлілася, што сямейная вячэра за сталом таксама дапамагала засвоіць інфармацыю і пра порцыі, і пра перавагу ў ежы. Па гэтай жа прычыне нельга прымушаць дзіця даядаць усё, што ёсць на талерцы. Важна даваць дзіцяці правільныя ўказанні з разраду: «Калі ты галодны, можаш узяць дабаўку». У любым выпадку дзіця кампенсуе недахоп ежы за дзень. Бацькі, якія дазваляюць дзіцяці есці перад тэлевізарам, штурхаюць яго да атлусцення, бо яно не адчувае, калі наелася. Дарэчы, раней было даказана, што практыка сямейнай вячэры перад тэлевізарам негатыўна ўплывае на вагу ўсіх членаў сям'і.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.