Арктычны холад чакае нас ужо ў выхадныя
Зіма працягвае гаспадарыць у нас па-сур'ёзнаму. І ў бліжэйшыя дні тэрыторыя Беларусі застанецца пад уплывам магутнага антыцыклону, сфарміраванага ў халодным арктычным паветры, паведаміла рэдакцыі спецыяліст Рэспубліканскага гідраметцэнтра Мінпрыроды Вольга Фядотава.
Таму ў пятніцу чакаецца без істотныхападкаў. Максімальная тэмпература паветра ўдзень будзе вагацца ў межах 10-15 марозу, а ў асобных раёнах будзе дасягаць нават мінус 17 градусаў. Анамальна «буяніць» холад пачне ўжо на выхадныя. Ападкаў амаль не прагназуецца, толькі ў нядзелю месцамі па Брэсцкай вобласці магчымы кароткачасовы снег. Тэмпература паветра ўначы стане дасягаць мінус 17-23 градусаў, а ў асобных раёнах будзе зніжацца нават да 24-29 марозу. Маразы «пад мінус 30»чакаюцца ў бязветраных мясцінах у нізінах. Удзень чакаеццамінус 11-17 градусаў, і толькі папаўднёвым захадзе холад не будзе такім «злым».
Даволі халоднае надвор'е прагназуюць сіноптыкі і ў пачатку наступнага тыдня. У панядзелак пераважна без ападкаў, толькі па паўднёвым захадзе кароткачасовы снег. Уначы на панядзелак — мінус 17-23, па паўночным усходзе — 24-27 марозу; удзень чакаецца мінус 11-16 градусаў. Пацяплення не трэба чакаць да сярэдзіны наступнага тыдня.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.