Вы тут

Творчыя планы фабрыкi натхнення


Саюз пісьменнікаў Беларусі рыхтуецца да свайго юбілею

Для творчых людзей каляндар рэч умоўная. Але супольнасць творчых людзей жыве па больш фармалізаваных правілах. Таму Саюз пісьменнікаў Беларусі ў асобе яго старшыні Мікалая Іванавіча Чаргінца ўчора падагульніў вынікі мінулага 2013-га «пісьменніцкага» года. Ну і ў якасці адказаў на

пытанні прысутных на мерапрыемстве журналістаў былівыказаны некаторыя планына будучыню.

Рыса пад мінулым годампадведзена, 2013-ы ўжо — гісторыя. Што застанецца ў ёй?

Зразумела, тыя кнігі, якія выйшлі з-пад пяра пісьменнікаў.Было выдадзена каля 180 кніг, надрукаваных дзяржаўныміі прыватнымі выдавецтвамі. Мікалай Іванавіч канстатаваў, што, на жаль, сёння ў нас пісьменніцкая справа, як, бадай, і ва ўсім свеце, не самая прыбытковая. Таму старшыня Саюза заклікаў аўтараў быць больш актыўнымі ў пошуку спонсараў для прасоўвання сваіх твораў.

Добрым вынікам мінулага года Мікалай Чаргінец лічыць выданне «Бібліятэкі Саюза пісьменнікаў Беларусі», часопіса «Белая вежа», створанага пры садзейнічанні саюзаў пісьменнікаў Беларусі і Расіі: «Трэба, каб там друкаваліся не толькі пісьменнікі, але падцягваліся і журналісты». У Саюза намер два разы на год выпускаць дайджэст, які б адлюстроўваў дзейнасць грамадскага аб'яднання.

Тое, што пісьменніцкі свет — не застылае акадэмічнае балота, пацвердзіла наступнае. За апошні час у Саюз пісьменнікаў было прынята 57 чалавек — празаікаў, паэтаў, крытыкаў... I не без канкурэнцыі: як расказаў Мікалай Чаргінец, каля 100 прэтэндэнтаў атрымалі адказ.

«Мова і літаратура ў Беларусі і ў свеце» і «Сусветная літаратура ў Беларусі» — гэтыя тэмы стануць галоўнымі на канферэнцыях, запланаваных на бягучы год. У 2014-м таксама адбудзецца шэраг сустрэч з калегамі з Расіі, Казахстана, Турцыі і Сербіі. Але галоўнай падзеяй года для Саюза пісьменнікаў Беларусі будзе 80-гадовы юбілей творчай арганізацыі. Мікалай Чаргінец лічыць, што гэтая дата вартая пашаны і пільнай увагі грамадства. А справа творцаў — ствараць, узрушваць, здзіўляць.

Ларыса РАКОЎСКАЯ.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.