Таваразварот з Iндыяй праз год складзе мiльярд долараў

У апошнія гады Беларусь і Індыя сталі асабліва блізкімі адна адной на эканамічным, палітычным і другіх узроўнях. Пра гэта заявіў на прэс-канферэнцыі, прысвечанай Дню Рэспублікі — нацыянальнаму святу Індыі, якое адзначаецца 26 студзеня,Надзвычайны і Паўнамоцны Пасол гэтай краіны ў Беларусі спадар Манодж КУМАР БХАРЦІ.

За апошнія два гады прайшлодзве сустрэчы сумеснай камісіі паэканамічным, камерцыйным, тэхнічным, навуковым і культурным супрацоўніцтве. «Сёння мы знаходзімся на вельмі важным этапе развіцця двухбаковых адносін, — адзначыўспадар Бхарці. — Індыйская кампанія BHEL завяршыла свой камерцыйны праект па рэканструкцыі Гродзенскай ЦЭЦ-2 — яна была ўведзена ў строй у ліпені 2013 года». Па словах пасла, гэта першы паспяховазавершаны індыйскі праект у сферы энергетыкі Беларусі. З ліпеня 2013года прайшло ўжо 6 месяцаў і загэты час прадукцыйнасць ЦЭЦ панекаторых параметрах нават перавысіла нарматыўныя паказчыкі.

«Можна чакаць, што ў гэтым годзе супрацоўніцтва ў прамысловай сферы паміж краінамі стане больш шчыльным, — падкрэсліў пасол. —Важна адзначыць і тое, што ўпершыню за вялікі прамежак часу індыйскія кампаніі сталі прымаць удзел у міжнародных конкурсных таргах, якія аб'яўляе Беларусь. Гэта тое, зчаго я і пачаў працу тут — данесці да людзей у Індыі інфармацыю пра Беларусь, пра магчымасці для бізнесу, якія існуюць у вашай краіне».

Так, адна індыйская кампанія прымае ўдзел у аб'яўленым нашай краінай конкурсе, звязаным з пераўтварэннем сонечнай энергіі. Таксама ёсць шэраг фармацэўтычных кампаній, якія маюць уласныя напрацоўкі і зацікаўлены ў стварэнні ўласнага прадпрыемства па вытворчасці лекаў у Беларусі.

Пасол таксама выказаў спадзяванні, што беларускія кампаніі будуць пашыраць сваю прысутнасць уІндыі ў 2014 годзе. Асабліва гэта тычыцца прадпрыемстваў, якія вырабляюць дарожна-будаўнічую тэхніку і сельскагаспадарчыя машыны.

Як падкрэсліў спадар Бхарці, у Беларусі набіраюць папулярнасць адукацыйныя праграмы. Прыкладна 40 беларускіх спецыялістаў па гэтых праграмах штогод накіроўваюцца ў Індыю, а 240 нашых суайчыннікаў ужо прайшлі навучанне.

Перад краінамі стаіць задача дасягнуць велічыні таваразвароту ў адзін мільярд долараў. «Нельга сказаць, што гэта нерэальная мэта, — адзначыў пасол. — Апошнія чатыры гады наш сумесны двухбаковы таваразварот быў на ўзроўні паўмільярда долараў — і гэта ў той час, калі Індыя ўвозіла вельмі мала калійных угнаенняў з Беларусі. Алекалі мы павялічым іх імпарт, калі Беларусь будзе прадаваць у нас,напрыклад, прадукцыю «БелАЗ»,а індыйскія фірмы павялічаць сваю прысутнасць у вашай краіне, то мыда канца 2015 года «напрацуем» намільярд долараў».

Двухбаковыя адносіны паміж Беларуссю і Індыяй былі ўстаноўлены ў1992 годзе, тады ж у Мінску адкрылася Пасольства Індыйскай Рэспублікі. Гэтая краі на з'яўляецца аднымз важнейшых партнёраў Беларусі ўазіяцкім рэгіёне. Традыцыйна беларускі экспарт у Індыю дамінуе надімпартам. Туды мы пастаўляем калійныя і азотныя ўгнаенні, велікагрузныя аўтамабілі, падшыпнікі і іншую прадукцыю, а з Індыі прывозім медыцынскія прэпараты, тытунёвую сыравіну, гарбату, рыбу, прыправы, арэхі... У гэтай краіне зарэгістраваны прадстаўніцтвы «Беларуськалія»,«Белтэхэкспарту», «Амкадора», а таксама сумеснае прадпрыемства Беларускага аўтамабільнага завода і індыйскай фірмы Enrika.

Надзея ЮШКЕВІЧ.