Членам спартыўнай дэлегацыі
Рэспублікі Беларусь на ХХІІ зімовых
Алімпійскіх гульнях 2014 года ў г. Сочы
(Расійская Федэрацыя)
Дарагія сябры!
Мінула дваццаць гадоў з таго часу, як Рэспубліка Беларусь упершыню была прадстаўлена самастойнай камандай на зімовых Алімпійскіх гульнях у нарвежскім Лілехамеры, дзе беларускія спартсмены заваявалі два сярэбраныя медалі, адкрыўшы лік алімпійскім узнагародам.
Спорт выбіраюць мужныя, мэтанакіраваныя і моцныя духам людзі, якім пад сілу ва ўпартай барацьбе прадоўжыць слаўныя традыцыі і абараніць спартыўны гонар нашай краіны.
Перакананы, што менавіта вы з'яўляецеся лепшымі прадстаўнікамі беларускага спорту, здольнымі паказаць на алімпійскіх арэнах сваю волю, майстэрства і настойлівасць у дасягненні пастаўленай мэты.
Удзел у Алімпійскіх гульнях — гэта знамянальная падзея, якой папярэднічала карпатлівая работа і старанная падрыхтоўка як спартсменаў, так і адпаведных арганізацый. Усё да дробязяў было прадугледжана і зроблена — цяпер засталося толькі кожнаму з вас прыкласці намаганні, каб забяспечыць паспяховыя выступленні на алімпійскіх спаборніцтвах.
Шчыра жадаю вам удачы і яркіх перамог на славу нашай Радзімы.
Прэзідэнт Рэспублікі Беларусь,
Прэзідэнт Нацыянальнага алімпійскага
камітэта Рэспублікі Беларусь
Аляксандр Лукашэнка.
Мерапрыемства праводзіцца на добраахвотнай аснове.
Не выявіць ні секунды абыякавасці.