Пяцікурснікі Інстытута журналістыка БДУ Дзяніс Мароз і Дзяніс Кабцоў сталі фіналістамі першага ўсерасійскага конкурсу кінасцэнарыяў «Галоўпітчынг». Арганізатарамі спаборніцтваў выступіла група кампаній «Галоўкіно» — адзін з буйнейшых кінатэлевізійных канцэрнаў СНД.
Работа студэнтаў БДУ ўвайшла ў топ-35 лепшых сцэнарыяў. Усяго ў конкурсе ўзялі ўдзел 1930 аўтараў з Расіі і краін СНД, якія прадставілі на суд журы 2900 сваіх работ.
Маладыя сцэнарысты з БДУ прадставілі праект поўнаметражнага фільма «Клуб самазабойцаў». Карціна ўяўляе сабой гарадскі трылер, у якім напружаны сюжэт спалучаецца з маральнай дылемай герояў. Работа Дзяніса Мароза і Дзяніса Кабцова атрымала высокую ацэнку экспертнага журы і была рэкамендавана да экранізацыі. У конкурсную камісію ўвайшлі рэдактары вядучых расійскіх кінакампаній і кінасаюзаў, прадзюсары, крытыкі і кіназнаўцы: Фёдар Бандарчук, Валерый Тадароўскі, Міхаіл Галусцян, Ілья Бачурын і іншыя.
Надзея НІКАЛАЕВА.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».