Рэйсавы аўтобус, які раніцай рухаўся з Веткі ў вёску Неглюбка, нечакана загарэўся. Як расказалі ў прэс-службе МНС, падчас пажару маторнага адсека ў «МАЗа» заклініла дзверы. У салоне ў гэты момант знаходзіліся 15 пасажыраў.
Адзін з пасажыраў патэлефанаваў выратавальнікам, якія праз пяць хвілін былі на месцы здарэння, але нечакана дапамога прыйшла яшчэ раней. Кіроўца Веткаўскага раённага аддзела па надзвычайных сітуацыях Анатоль Жураўлёў у гэты час рухаўся на машыне насустрач, у Ветку. Мужчына заўважыў ля ўзбочыны аўтобус, з салона якога ішоў чорны дым. Сяржант спыніўся і, зразумеўшы, што дзверы заблакіраваны, стаў дапамагаць людзям выбірацца праз кабіну кіроўцы. Калі пачалася паніка, выратавальнік разбіў вокны і некаторых людзей выцягнуў праз акно. У выніку ніхто з пасажыраў аўтобуса не пацярпеў.
Ірына АСТАШКЕВІЧ.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!