24 Верасень, панядзелак

Сугучча!


Апублікавана ў газеце "Літаратура і мастацтва" 14 лютага 2014 года.

_____________________________________________________________________________

Выдавецкi дом “Звязда” пры падтрымцы Мiнiстэрства iнфармацыi Рэспублiкi Беларусь ажыццявiў унiкальны праект: 12 кнiг, прысвечаных лiтаратурам краiн-удзельнiц СНД, дзе побач — сугучныя па змесце беларускiя творы.

сугучча - Чынгіз Аліаглу і Алесь Бадак - фота Кастуся Дробава

Серыя прэзентуе лепшае ў сучаснай славеснасцi, вылучаe прыярытэты беларускай лiтаратуры на фоне адметнай сутнасцi iншых лiтаратур, а галоўнае — сцвярджае духоўную повязь памiж рознымi, часам вельмi аддаленымi краiнамі.

Гэтыя кнiжкi па выхадзе ў свет на працягу 2013 года мы мелi магчымасць чытаць i гартаць па адной. Але зусiм iншае — кнiгазбор: сапраўднае Сугучча! Год таму на кнiжнай выстаўцы пiсьменнiкi i выдаўцы яшчэ толькi дамовiлiся наконт сумеснай працы, а на сёлетняй ММКВК — яе вынiк прадставiлi стваральнiкi i ўдзельнiкi праекта.

Алесь Бадак, намеснiк дырэктара Выдавецкага дома “Звязда”, укладальнiк серыi: “За год мы выдалi 11 з 12 запланаваных кнiжак па колькасцi краiн СНД. Першай была кніга “Беларусь — Расiя”. У серыi прадстаўлена больш як 250 пiсьменнiкаў, некалькi тысяч твораў паэзii i прозы. А колькi сэрцаў яны напоўняць!..”

“Напiсаць, выдаць i нават купiць кнiгу — яшчэ далёка не ўся справа. Галоўнае, каб яна яднала сэрцы чытачоў з розных краiн. Я палюбiў пiсьменнiкаў, пра якiх нiколi не чуў”.

Не мог застацца ўбаку ад знакавай прэзентацыі і Мiкалай Чаргiнец, старшыня Саюза пiсьменнiкаў Беларусi:

— Дванаццаць год я аддаў працы ў парламенце i ўдзельнiчаў у стварэннi СНД. Яшчэ тады хацеў, каб нацыянальныя лiтаратуры жылi ў супольнасцi, а пiсьменнiкi ведалi, што iх праца вельмi патрэбная як падмурак сяброўства між народамі”.

Чынгiз Алiаглу з Азербайджана, Эдвард Мiлiтанян, старшыня Саюза пiсьменнiкаў Арменiі выказалi сардэчную падзяку iнiцыятару серыi “Сугучча сэрцау” Лiлii Ананiч, Выдавецкаму дому “Звязда” ў асобах Алеся Карлюкевiча, Алеся Бадака i Алы Корбут, беларускім перакладчыкам. “Праект “Сугучча сэрцаў” — буйная падзея ў жыццi не толькi Беларусi, але i іншых краiн Садружнасці. Я думаю, што серыя будзе “працаваць”, выконваць сваю ролю цi не вечна, бо пасля яе з’явяцца новыя адпаведныя выданнi”, — упэўнены Чынгiз Алiаглу.

Узяў слова і Навум Гальпяровiч, дырэктар радыё “Беларусь”, старшыня грамадскага аб’яднання “Беларусь — Арменiя”. “Каб зразумець той цi iншы народ як сутнасць, трэба спасцiгнуць яго лiтаратуру, — адзначыў творца. — Таму аўтары з розных краiн не павiнны iснаваць iзалявана. Толькi тады размова можа iсцi пра сусветную лiтаратуру i пра людскую супольнасць”.

Лея ХАШЫМБА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.