24-28 лютага Міністэрства ўнутраных спраў праводзіць аператыўна-прафілактычныя спецыяльныя комплексныя мерапрыемствы «Арсенал» па добраахвотнай перадачы зброі і боепрыпасаў.
У краіне сёлета канфіскаваны 142 адзінкі незарэгістраванай зброі і звыш тысячы боепрыпасаў рознага калібру. 1,4 тысячы боепрыпасаў і 26 адзінак зброі грамадзяне здалі добраахвотна. Розныя віды зброі нярэдка выкарыстоўваюцца для незаконнага палявання. Для прадухілення фактаў браканьерства плануецца правядзенне сумесных рэйдаў з работнікамі падраздзяленняў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь і іншымі прыродаахоўнымі арганізацыямі. Праваахоўнікі правераць таксама і ўмовы захоўвання агнястрэльнай зброі ў законных уладальнікаў, канфіскуюць яе ў тых, хто мае супрацьпаказанні да валодання зброяй. З пачатку года ў індывідуальных уладальнікаў ужо канфіскавана 177 адзінак зброі — у асноўным за дробныя правапарушэнні, страляніну ў населеным пункце, распіванне спіртнога ў грамадскіх месцах або з'яўленне там у п'яным выглядзе.
Згодна з законам, за незаконныя дзеянні ў дачыненні да агнястрэльнай зброі, боепрыпасаў і выбуховых рэчываў прадугледжана пакаранне аж да пазбаўлення волі тэрмінам на 12 гадоў з канфіскацыяй маёмасці. Пры добраахвотнай здачы зброі ў органы ўнутраных спраў грамадзяне вызваляюцца ад адміністрацыйнай і крымінальнай адказнасці, нагадвае старшы інспектар па дазвольнай рабоце аддзела аховы правапарадку і прафілактыкі УУС адміністрацыі Першамайскага раёна г. Мінска Юрый Сілівончык.
У Першамайскі РУУС г. Мінска можна звяртацца на адрас: вул. Бялінскага, 10 (тэл. 280 97 31, 280 02 02, 280 24 42). Паведамленні таксама прымаюцца па нумарах: 218 55 27, 218 73 56, 218 77 24, 218 75 82 або 102.
Святлана БАРЫСЕНКА.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
