У Віцебскім аблвыканкаме адбылося выязное пасяджэнне рэспубліканскага штаба па падрыхтоўцы і правядзенні фестывалю-кірмашу «Дажынкі-2014». У пасяджэнні прыняў удзел намеснік прэм'ер-міністра Беларусі Міхаіл Русы.
Пры падрыхтоўцы Гарадка да правядзення рэспубліканскага фестывалю-кірмашу «Дажынкі» ўсё павінна быць зроблена добра са сціплым бюджэтам, заявіў Міхаіл Русы. Паводле яго слоў, ужо складзена базавая праграма па аб'ектах, якія неабходна падрыхтаваць да правядзення рэспубліканскага свята працаўнікоў вёскі. Між тым, кожны з іх варта яшчэ раз уважліва ацаніць на месцы, прадумаць мэтазгоднасць запланаваных мерапрыемстваў. Ва ўсім павінен прысутнічаць разумны падыход. Пры гэтым вырашыць пытанні з аб'ёмам неабходных на падрыхтоўку аб'ектаў сродкаў варта ў самыя сціслыя тэрміны, бо ўжо на наступным тыдні плануецца падрыхтаваць фінансавае абгрунтаванне.
«Гарадок — невялікі населены пункт, таму на ўсёй яго тэрыторыі да свята павінен быць наведзены ідэальны парадак. Усё павінна быць зроблена разумна, талкова, эфектыўна і танна. Мера адказнасці кожнага — самая высокая», — падкрэсліў віцэ-прэм'ер. Ён адзначыў, што асаблівую ўвагу трэба надаць аб'ектам, якія закранаюць інтарэсы насельніцтва, каб потым не было скаргаў.
Старшыня Віцебскага аблвыканкама Аляксандр Косінец паведаміў, што завяршыць падрыхтоўку аб'ектаў Гарадка да «Дажынак» плануецца да 1 верасня.
Як праінфармаваў старшыня Віцебскага абласнога Савета дэпутатаў Аляксандр Ацясаў, работа па падрыхтоўцы Гарадка да свята працаўнікоў вёскі пачалася яшчэ ў 2013 годзе. Абласнымі службамі быў вызначаны пералік аб'ектаў, якія неабходна прывесці ў належны выгляд, замоўлена праектна-каштарысная дакументацыя. «На сёння на 90% яна гатова. Пытанні ёсць толькі па асобных аб'ектах, але яны вырашаюцца. Такім чынам, дакументацыя нас не стрымлівае, можам пачынаць актыўна працаваць», — сказаў Аляксандр Ацясаў.
З абласнога бюджэту на падрыхтоўчыя работы летась было выдзелена Br50 млрд. На 2014-ы на ўсе аб'екты будаўніцтва і рэканструкцыі, работы на якіх могуць фінансавацца за кошт бюджэтных сродкаў, плануецца накіраваць Br435 млрд. Акрамя таго, фінансаванне будзе ажыццяўляцца па лініі прадпрыемстваў і арганізацый, уласнікаў аб'ектаў, спонсарскай дапамогі.
Міхаіл Русы даручыў Мінбудархітэктуры ўзяць на кантроль кожны аб'ект, які рыхтуецца да рэспубліканскіх «Дажынак», тэрміны выканання праектна-каштарыснай дакументацыі, будаўніцтва і рэканструкцыі. «Будзьце ашчадныя, але прывядзіце ў парадак горад», — сказаў ён на заканчэнне.
Пасля ўдзельнікі штаба наведалі аб'екты ў Гарадку і Гарадоцкім раёне.
Паводле паведамленняў БЕЛТА.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».