Прэзідэнт Беларусі Аляксандр Лукашэнка пацвярджае пазіцыю беларускага боку аб неабходнасці ліквідацыі ўсіх выключэнняў і абмежаванняў у будучым Еўразійскім эканамічным саюзе.
Аб гэтым кіраўнік дзяржавы заявіў, прымаючы з дакладам прэм'ер-міністра Міхаіла Мясніковіча. Падчас дакладу Прэзідэнт пацікавіўся вынікамі сустрэчы кіраўнікоў урадаў «тройкі» ў Маскве, якая праходзіла 15 красавіка. «Гэта вельмі важна напярэдадні сустрэчы кіраўнікоў дзяржаў у Мінску 29 красавіка. Гэта павінна быць этапная, фундаментальная сустрэча, паколькі пасля ўжо не застаецца часу на дапрацоўку і падпісанне фактычна дагавора аб эканамічным саюзе», — адзначыў беларускі лідар.
Аляксандр Лукашэнка таксама пацікавіўся, як партнёры, і перш за ўсё Расійская Федэрацыя, успрымаюць прапановы беларускага боку. «А яны (прапановы. — БЕЛТА) абсалютна нармальныя. Калі мы будуем саюз і імкнёмся да таго, каб тут не было ніякіх межаў, значыць, не павінна быць ніякіх выключэнняў і абмежаванняў у перамяшчэнні тавараў, рабочай сілы, капіталу. Гэта асноўная мэта. Таму мы з гэтага зыходзім, — сказаў Прэзідэнт. — Шмат на гэты конт, вядома, спекуляцый, нібыта мы ставім сабе свае мэты і г.д. Як быццам мы павінны праследаваць мэты Еўрасаюза ці ЗША...».
«Кожны мае свае мэты, але мы цалкам згодны з тымі мэтамі, якія дэклараваны, і адыходзіць ад гэтага ні ў якім выпадку не маем намеру. Мы таксама шмат што страчваем. У параўнанні з Расіяй мы невялікая краіна і разумеем, чаго гэта нам можа каштаваць. Але, тым не менш, калі вырашылі, мы ў гэтым кірунку дзейнічаем», — дадаў Аляксандр Лукашэнка.
Кіраўнік дзяржавы падчас рабочай сустрэчы даў шэраг даручэнняў па эканамічных пытаннях, звязаных з інвестыцыйнай праграмай, рэалізацыяй асобных праектаў. Ён паставіў задачу актывізаваць работу па праблемных прадпрыемствах у лёгкай прамысловасці, іншых аб'яднаннях і гаспадарчых таварыствах, за якія адказвае ўрад.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.