Федэрацыя прафсаюзаў гатова размясціць каля 1 тысячы гасцей і ўдзельнікаў чэмпіянату свету па хакеі на базах вакол Мінска. Аб гэтым Прэзідэнту Аляксандру Лукашэнку далажыў старшыня ФПБ Леанід Козік.
Леанід Козік паведаміў, што ФПБ выканала даручэнне Прэзідэнта і падрыхтавала свае базы ў наваколлі Мінска для прыняцця гасцей чэмпіянату. Тут змогуць размясціцца каля 1 тысячы чалавек. Па словах старшыні Федэрацыі прафсаюзаў, гэтыя аб'екты па наборы паслуг, якія прадастаўляюцца, практычна нічым не адрозніваюцца ад сучасных гасцініц. Госці і ўдзельнікі ЧС, якія будуць пражываць у санаторыях, змогуць пры жаданні атрымаць дадатковае лячэнне, як і іншыя пастаяльцы.
Прэзідэнт падзякаваў прафсаюзам «за спакойную, ціхую, ненавязлівую работу па арганізацыі выбараў у мясцовыя Саветы дэпутатаў», а таксама папрасіў далажыць аб сітуацыі ў прафсаюзным руху, праблемных пытаннях, на якія неабходна звярнуць увагу. Старшыня ФПБ адзначыў, што сітуацыя ў цэлым нармальная. У краіне працуюць 23 тысячы прафсаюзных арганізацый, якія ведаюць настрой людзей, іх праблемы і пажаданні.
Размова таксама ішла аб санаторна-курортным лячэнні, дзіцячым аздараўленні. Як далажыў Леанід Козік, у санаторыях каля паловы адпачывальнікаў — гэта замежныя грамадзяне, перш за ўсё з Расійскай Федэрацыі, якія задаволены як умовамі, так і медыцынскім абслугоўваннем. Паводле яго слоў, беларускія санаторыі загружаны на 100% круглы год. Што тычыцца дзіцячага аздараўлення, то плануецца, што сёлета ў дзіцячых лагерах адпачнуць 345 тысяч дзяцей. Кошт пуцёўкі для бацькоў не перавысіць 10% ад яе агульнага кошту. ФПБ выдзеліла сродкі для кожнай вобласці, якія будуць накіраваны на патанненне пуцёвак для дзяцей са шматдзетных, малазабяспечаных сем'яў, паведамляе БЕЛТА.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
