У Брэсце ўрачыста адкрылі бібліятэку для інвалідаў па зроку. Памяшканне для ўстановы горад выдзеліў у доме па бульвары Касманаўтаў. Раней гэтая бібліятэка размяшчалася ў невялікім пакоі і не магла задаволіць патрэбы ўсіх людзей, якія маюць слабы зрок або зусім сляпыя.
Цяпер гэта сапраўдная бібліятэка з утульнымі заламі і падсобнымі памяшканнямі. Уваход абсталяваны пандусам са зручнымі поручнямі і спецыяльнай няслізкай пліткай. Фонд бібліятэкі складае 9300 экзэмпляраў. У яго ўвайшлі кнігі, надрукаваныя рэльефна-кропкавым шрыфтам, кнігі на аўдыядысках, і літаратура з буйным шрыфтам.
Мэр горада Аляксандр Палышанкоў, які адкрываў бібліятэку, паведаміў, што хутка ў Брэст прыбудзе дарагая счытвальная і скануючая сістэма, якую гарвыканкам заказаў за мяжой спецыяльна для новай установы. Усяго ў бібліятэку для інвалідаў па зроку запісана 900 чалавек.
Яна СВЕТАВА.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
«Мы зацікаўлены, каб да нас прыязджалі».