У Мексіцы на 88-м годзе жыцця памёр пісьменнік, лаўрэат Нобелеўскай прэміі па літаратуры, калумбійскі майстар «магічнага рэалізму» Габрыэль Гарсія Маркес. Маркес пайшоў з жыцця ў сваёй рэзідэнцыі ў Мехіка, піша Еl Раіs.
Жалобны рытуал у прысутнасці публікі перад крэмацыяй цела Гарсія Маркеса не запланаваны. Пісьменнік шырока вядомы не толькі ў Лацінскай Амерыцы, але і далёка за яе межамі. У 1982 годзе Маркесу была прысуджана Нобелеўская прэмія па літаратуры «За раманы і апавяданні, у якіх фантазія і рэальнасць адлюстроўваюць жыццё і канфлікты цэлага кантынента», пасля чаго ён стаў шырока папулярны ва ўсім свеце. Тут жа, у Мексіцы, Маркес напісаў свой самы вядомы твор — «Сто гадоў адзіноты». Першапачаткова раман ніхто не хацеў друкаваць. Пісьменнік разаслаў рукапіс у калумбійскія выдавецтвы, але ні адно з іх не адважылася выпусціць кнігу, напісаную ў прынцыпова новай манеры, якая з часам была названа «магічным рэалізмам». Пасля няўдалай спробы будучы лаўрэат Нобелеўскай прэміі адправіў рукапіс у Буэнас-Айрэс, галоўнаму рэдактару выдавецтва «Судамерыкана» Франсіска Паруа. Да кнігі ён прыклаў кароткі ліст: «Прачытай, калі не спадабаецца, то парві, і я забудуся пра гэты раман». Нават не дачытаўшы рукапіс да канца, Паруа адправіў яго ў друк. І не прагадаў: раман «Сто гадоў адзіноты» стаў самым папулярным творам за ўсю гісторыю лацінаамерыканскай літаратуры. Сярод другіх найбольш вядомых твораў Маркеса — «Восень патрыярха» і « Палкоўніку ніхто не піша».
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!