У нумары за 22 сакавіка «Звязда» змясціла зварот у рэдакцыю бацькоў і вучняў СШ № 1 горада Турава, якія былі заклапочаны далейшым лёсам сваёй навучальнай установы.
Праблема заключалася ў тым, што Міністэрствам адукацыі было прынята рашэнне аб павелічэнні напаўняльнасці першых, пятых і дзясятых класаў у гарадскіх школах. І раённы аддзел адукацыі, у сваю чаргу, вырашыў вучнямі СШ № 1 даўкамплектаваць летась класы ў СШ № 2.
«Калі сёння мы не захаваем усе класы (з першага па адзінаццаты), то праз некалькі гадоў гэта прывядзе да ліквідацыі школы, — хваляваліся нашы чытачы. — Мы разумеем, што любыя рэформы ў школе павінны праводзіцца на карысць вучняў. Але навошта механічна перакідваць дзяцей са школы ў школу? І хто ўзяў пад увагу хоць бы тую акалічнасць, што дзяцей адрываюць ад любімых настаўнікаў, ад сяброў?»
«Упраўленнем адукацыі сумесна з Жыткавіцкім раённым выканаўчым камітэтам быў разгледжаны зварот па пытанні ўкамплектавання сеткі ўстаноў агульнай сярэдняй адукацыі г.Турава на пачатак 2014/2015 навучальнага года, — паведамілі нам у афіцыйным лісце, які прыйшоў з упраўлення адукацыі Гомельскага аблвыканкама.
— У адпаведнасці з пратаколам пасяджэння Прэзідыума Савета Міністраў Рэспублікі Беларусь ад 3 студзеня 2013 года № 36 і планам аптымізацыі ў 2014 годзе сеткі ўстаноў адукацыі, іх штатнай колькасці, выконваемых імі функцый, які быў зацверджаны міністрам адукацыі Сяргеем Маскевічам і ўзгоднены з намеснікам Прэм'ер-міністра Рэспублікі Беларусі Анатолем Тозікам, сярэдняя напаўняльнасць І, ІІ, V, VІ, Х і ХІ класаў устаноў агульнай сярэдняй адукацыі, размешчаных у гарадах і пасёлках гарадскога тыпу, павінна складаць 24 вучні.
Аднак у сувязі з тым, што населенаму пункту Тураў статус горада быў прысвоены выключна па гістарычных падставах, а фактычна па колькасці насельніцтва ён з'яўляецца сельскім населеным пунктам, пры камплектацыі класаў у школах Турава будзе практыкавацца падыход як да сельскіх устаноў адукацыі.
У 2014/2015 навучальным годзе 1, 5 і 10 класы будуць функцыянаваць у дзвюх школах, і від дзяржаўнай установы адукацыі «сярэдняя школа № 1 г.Турава» не будзе зменены».
Надзея НІКАЛАЕВА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».