Беларускаму грамадскаму аб'яднанню ветэранаў Белаграпрамбанк прадаставіў 1 мільярд рублёў у выглядзе бязвыплатнай (спонсарскай) дапамогі. Пра гэта стала вядома на свяце, прымеркаваным да 70-годдзя вызвалення Беларусі ад нямецка-фашысцкіх захопнікаў, якое прайшло у цэнтральным офісе фінансавай установы.
З гэтых грошай 900 млн пойдзе на аказанне матэрыяльнай падтрымкі ветэранам Вялікай Айчыннай вайны. Трыста чалавек атрымаюць дапамогу ў памеры 3 млн рублёў для набыцця медыкаментаў, прадуктаў харчавання, неабходных бытавых прыбораў. Астатнія 100 млн плануецца выдаткаваць на арганізацыю і правядзенне Рэспубліканскім саветам ветэранаў мерапрыемстваў па ўшанаванні герояў вайны. «Матэрыяльная дапамога — гэта сыноўні і даччыны падарунак нашым ветэранам, які надасць ім сіл. Гэта знак прызнання іх заслуг і ў гады вайны, і ў пасляваенны час», — лічыць Анатоль Новікаў, старшыня Рэспубліканскага савета Беларускага грамадскага аб'яднання ветэранаў.
Ён адзначыў, што беларускія ветэраны, нягледзячы на пажылы ўзрост і хваробы, захоўваюць актыўную грамадзянскую пазіцыю: сустракаюцца з працоўнымі калектывамі, моладдзю, даносяць праўду пра вайну. «У нас выдатная моладзь, і, калі спатрэбіцца, яна самааддана стане на абарону нашай Айчыны. А пакуль гэтая абарона праяўляецца ў паўсядзённай працы. Мы марым, каб Беларусь квітнела, але для гэтага трэба, каб асабліва моладзь сваёй працай, талентам і рукамі рабіла гэтую казку быллю», — упэўнены Анатоль Новікаў.
Ушанаваў Белаграпрамбанк таксама ветэранаў — сваіх былых супрацоўнікаў, кожнаму з якіх да 70-годдзя вызвалення будзе аказана фінансавая дапамога ў памеры 3 млн рублёў. Старшыня праўлення Белаграпрамбанка Уладзімір Падкавыраў звярнуў увагу на тое, што гэтыя людзі жывуць у розных абласцях краіны і, тым не менш, знайшлі магчымасць, каб прыехаць у сталічны офіс на свята: «Ганаруся тым, што ўвесь калектыў банка ўдзельнічаў у арганізацыі ўшанавання нашых ветэранаў. Будзем рабіць гэта штогод».
Уладзіслаў КУЛЕЦКІ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».