З нагоды 70-годдзя вызвалення Беларусі ад нямецка-фашысцкіх захопнікаў на Першым нацыянальным канале Беларускага радыё стартавала эфірная акцыя «Тыдзень памяці», паведамілі БЕЛТА.
Так, 3 ліпеня на канале пройдзе радыёдзень «Дзень Незалежнасці». Яго галоўнай асаблівасцю стане прамы рэпартаж з параду войскаў Мінскага гарнізона і тэатралізаванага шэсця «Беларусь — ад вызвалення да незалежнасці». На працягу дня ў выпусках навін будуць гучаць прамыя ўключэнні са святочных пляцовак у сталіцы і рэгіёнах.
Публіцыстычная перадача «Беларускі шлях» правядзе віртуальную радыёэкскурсію па залах новага будынка Беларускага дзяржаўнага музея гісторыі Вялікай Айчыннай вайны. Радыёпартрэт рэжысёра-пастаноўшчыка дзяржаўных свят і канцэртных праграм Вячаслава Паніна створыць нарысавая праграма «Галерэя». У ёй пойдзе размова аб асаблівасцях падрыхтоўкі і правядзення важных дзяржаўных святочных мерапрыемстваў, а таксама аб некаторых рэжысёрскіх сакрэтах, прыёмах і навацыях.
Перадача для дзяцей і моладзі «Адкрытая пляцоўка» раскажа аб вахце памяці Беларускай рэспубліканскай піянерскай арганізацыі. Культурна-пазнавальная перадача «Арт-салон» таксама будзе прысвечана тэме захавання гістарычнай памяці.
З культурнай праграмай святкавання Дня Незалежнасці, тэматычнымі тэатральнымі пастаноўкамі, выстаўкамі і музейнымі экспазіцыямі пазнаёміць праект «Культурная прастора». У гісторыка-дакументальнай праграме «Эпізоды Вялікай вайны» на тыдні прагучаць успаміны ветэранаў, якія прымалі ўдзел у вызваленчай аперацыі «Баграціён».
Першы нацыянальны канал Беларускага радыё можна слухаць па правадной сетцы, на доўгіх, ультракароткіх хвалях, у FM па ўсёй краіне, а таксама ў рэжыме рэальнага часу ў інтэрнэце.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».