Вы тут

Прывітанне з Беларусі


Апублікавана ў газеце "Літаратура і мастацтва" 2.07.2014 г.

________________________________________________________________________

Па ініцыятыве Міністэрства замежных спраў Рэспублікі Беларусь у ЗША праходзіць прэзентацыя аўтарскага праекта лаўрэата Прэміі Прэзідэнта Рэспублікі Беларусь “За духоўнае адраджэнне” калекцыянера Уладзіміра Ліхадзедава.

Лиходедов

Лиходедов

 

У межах урачыстага сходу, прысвечанага 70-годдзю вызвалення Беларусі ад нямецка-фашысцкіх захопнікаў у Вялікай Айчыннай вайне, у Нью-Ёрку адбылася прэзентацыя альбома «Сінагогі» — першага ў серыі філакартычных альбомаў з цыкла «У пошуках страчанага». У гэты ж дзень калекцыянер пазнаёміў членаў абшчыны крымскіх татар у ЗША з альбомам «Беларусь і мусульманскі свет». А яшчэ ў сацыяльна-культурным цэнтры ў Балціморы Уладзімір Ліхадзедаў расказаў пра сам праект і шматгадовую работу над ім на старонках газет «СБ. Беларусь сегодня», «Голас Радзімы», «Звязда», «Літаратура і мастацтва», часопісаў «Беларусь», «Маладосць».

Прайшлі і іншыя мерапрыемствы, якія ў ЗША арганізавала Пасольства Беларусі. Сярод іх — прэзентацыя ў Бібліятэцы Кангрэса ЗША нядаўна выпушчанага Выдавецкім домам «Звязда» альбома са старымі паштоўкамі «Падарожжа ў часе». Дарэчы, тут, у славутай скарбніцы, захоўваюцца і іншыя выданні «Звязды», прысвечаныя старым паштоўкам: “У пошуках страчанага”, “Знічкі Айчыны”.

Гэта ўжо не першая паездка беларускага калекцыянера на амерыканскі кантынент. Старая паштоўка з дапамогай вядомага ў Беларусі філакартыста стала добрым сродкам народнай дыпламатыі паміж Беларуссю і ЗША. З дапамогай уражлівай, багатай калекцыі ўсяго аднаго чалавека ладзіцца сапраўдны мост дружбы і ўзаемапаразумення. Розным культурам і розным менталітэтам цікавыя памяткі даўніны дазваляюць узнаўляць шмат што з блізкага і агульнага. Падчас папярэдняй паездкі ў ЗША Уладзімір Ліхадзедаў прэзентаваў сабраныя ім матэрыялы, якія распавядаюць пра “амерыканскую адысею” Тадэвуша Касцюшкі.

Мікола БЕРЛЕЖ

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

...Гэты вясковец быў вельмі шчыры працаўнік, да таго ж ніколі не квапіўся на чужое, нават на калгаснае

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.