Палату прадстаўнікоў наведала парламенцкая дэлегацыя Судана
На працягу гэтага тыдня ў нашай краіне з візітам знаходзіцца высокапастаўленая суданская дэлегацыя, на чале якой — намеснікспікера Нацыянальнай асамблеі Рэспублікі Судан Іса БУШРА. У склад дэлегацыі таксама ўваходзяць міністр сельскай гаспадаркі, члены парламента, прадстаўнікі банкаўскага сектара і бізнесу.
— Рэспубліка Судан для Беларусі з'яўляецца адным з ключавых партнёраў у Афрыцы, і сённяшні візіт высокай дэлегацыі дазваляе казаць пра далейшае развіццё сяброўскіх адносін па ўсіх кірунках, — звярнуўся да гасцей з вітальным словам намеснік старшыні Палаты прадстаўнікоў Нацыянальнага сходу Віктар ГУМІНСКІ. — Гэта добрая магчымасць пагаварыць пра наша міжпарламенцкае, гандлёва-эканамічнае супрацоўніцтва, аб супрацоўніцтве ў галіне адукацыі і іншых сферах, якія ўяўляюць узаемны інтарэс для абедзвюх краін.
Віцэ-спікер адзначыў, што апошнія кантакты на двухбаковым узроўні паміж парламентамі Беларусі і Судана адбыліся 7 гадоў таму, і надышоў час навярстаць упушчанае.
У сваю чаргу, Іса Бушра падзякаваў беларускаму боку за цёплы прыём і выказаў надзею на тое, што палітычныя і эканамічныя кантакты паміж Беларуссю і Суданам будуць умацоўвацца.
15 ліпеня спаўняецца 15 гадоў з дня ўсталявання дыпламатычных адносін паміж Беларуссю і гэтай усходнеафрыканскай краінай.
Вольга МЯДЗВЕДЗЕВА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».