Вы тут

Сюжэты са шляху жыцця


Апублікавана ў газеце "Літаратура і мастацтва" 18.07.14 г.

___________________________________________________________________________

Выстаўка палотнаў заслужанага дзеяча мастацтваў Літвы Пётры Сергіевіча (1900 — 1984) «За славу роднай стараны» адкрылася ў Дзяржаўным літаратурным музеі Янкі Купалы.

Сергіевіч

Мастак нарадзіўся на Браслаўшчыне, у вёсцы Стаўрова. Вучыўся ў прыватнай Вольнай мастацкай студыі Адама Варнаса (Вільня), у Віленскім універсітэце імя Стэфана Баторыя. Мастацкі факультэт гэтай установы ўзначальваў прафесар Фердынанд Рушчыц. Менавіта ён паспрыяў фарміраванню П. Сергіевіча як майстра пейзажа, партрэта, манументальнага роспісу.

Паводле дырэктара музея Алены Ляшковіч, усяго фонды ўстановы налічваюць 14 карцін Пётры Сергіевіча, сярод якіх — «А хто там ідзе» (1945), «Партрэт Уладзіславы Станкевіч» (1952), «Янка Купала за чытаннем сваіх твораў у карчме» (1957) і г. д. Дзве яго работы — «А ты, сіраціна, жыві!» і «Званар» — з’яўляюцца часткай новай стацыянарнай экспазіцыі музея. На імпрэзе прысутнічалі грамадскія і культурныя дзеячы з Беларусі і Літвы.

Надзвычайны і Паўнамоцны Пасол Літвы ў Беларусі Эвалдас Ігнатавічус падкрэсліў: «Сёння мы не забываем таго светлага, што засталося ў нашай памяці пра гэтага мастака».

Уладзімір Дражын, былы пасол Беларусі ў Літве і Фінляндыі, звярнуў увагу прысутных на тое, што імя Пётры Сергіевіча — знакавае як для беларускага, так і для літоўскага народа. Для таго, каб яно гучала, зроблена шмат.

«Для П. Сергіевіча жывапіс — духоўная прастора, а выяўленчае мастацтва ўвогуле — школа маральнасці», — упэўнена Ларыса Салодкіна, член Беларускага саюза мастакоў і Беларускага саюза журналістаў.

Таццяна Сівец, галоўны рэдактар «ЛіМа», падкрэсліла важнасць асветніцкай дзейнасці музея Янкі Купалы. Дэтальна распавядаючы аб прадстаўленых у экспазіцыі палотнах П. Сергіевіча, Галіна Варонава, вядучы навуковы супрацоўнік музея, зрабіла акцэнт на тым, што ён першым увасобіў у сваіх творах не толькі асобныя эпізоды Купалавай біяграфіі, але і яго герояў.

Дарэчы, як заўважыла Алена Ляшковіч, палотны жывапісца літаральна прасякнуты настроем Купалавых вершаў. Упэўніцца ў гэтым вы зможаце, калі наведаеце выстаўку.

Яна ЯВІЧ

Выбар рэдакцыі

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.