Прэзідэнт Беларусі Аляксандр Лукашэнка даў згоду на назначэнне старшынёй Беларускага дзяржаўнага канцэрна па нафце і хіміі Ігара Ляшэнкі, які да гэтага часу займаў пасаду першага намесніка старшыні «Белнафтахіма», паведамляе БЕЛТА.
Адпаведнае рашэнне кіраўнік дзяржавы прыняў учора па выніках рабочай сустрэчы з Ігарам Ляшэнкам, дзе таксама прысутнічаў кіраўнік Адміністрацыі Прэзідэнта Андрэй Кабякоў. Прэзідэнта перш за ўсё цікавіла эфектыўнасць работы падведамных прадпрыемстваў «Белнафтахіма», пытанні кадравага патэнцыялу, асабліва ў прымяненні да кіраўніцтва гэтых прадпрыемстваў. Пры гэтым кіраўнік дзяржавы нагадаў, што прадукцыя, якая выпускаецца аганізацыямі канцэрна, фарміруе значную частку ВУП Беларусі. Андрэй Кабякоў далажыў, што «Белнафтахім» у асноўным спраўляецца з заданнямі па выкананні асноўных эканамічных паказчыкаў. Паводле яго слоў, рэнтабельнасць канцэрна складае 13,5 працэнта пры заданні на ўвесь 2014 год 9,8 працэнта. Суадносіны запасаў гатовай прадукцыі і сярэднямесячнага аб'ёму вытворчасці складаюць крыху больш як 21 працэнт пры заданні 24 працэнты. У той жа час канцэрн пакуль крыху недабірае па экспарце вырабленай прадукцыі, які ў першым паўгоддзі складае 99 працэнтаў да аналагічнага перыяду мінулага года пры заданні 102,6 працэнта.
Учора ж Андрэй Кабякоў прадставіў калектыву «Белнафтахіма» новага кіраўніка.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».