Зборная беларускіх студэнтаў у складзе чатырох чалавек заваявала чатыры медалі рознай вартасці на ХХІ Міжнароднай студэнцкай алімпіядзе па матэматыцы ІМС—2014.
З залатымі ўзнагародамі вярнуліся з Балгарыі студэнты факультэта прыкладной матэматыкі і інфарматыкі БДУ чацвёртакурснік Уладзіслаў Сатанеўскі і пяцікурснік Аляксандр Казлоў. «Бронза» — у студэнта ФПМІ БДУ Аляксандра Некрашэвіча і студэнта Гомельскага дзяржаўнага ўніверсітэта імя Ф. Скарыны Вячаслава Мурашкі.
Рыхтаваў беларускую зборную дацэнт кафедры функцыянальнага аналізу механіка- матэматычнага факультэта БДУ Алег Яблонскі, які ўжо працяглы час трэніруе студэнтаў для ўдзелу іх у розных міжнародных спаборніцтвах.
У гэтым годзе ІМС—2014 сабрала больш як 320 студэнтаў з 73 універсітэтаў свету. Маладым даследчыкам трэба было прайсці два раўнды працягласцю па 5 гадзін кожны. Задачы ахоплівалі такія раздзелы вышэйшай матэматыкі, як матэматычны і функцыянальны аналіз, тэорыя функцый комплекснай пераменнай, лінейная і абстрактная алгебра, геаметрыя і камбінаторыка. Але, акрамя матэматыкі, студэнтам трэба было яшчэ і ведаць англійскую мову, паколькі ўсе задачы былі сфармуляваны на ёй.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.