Вучэбныя заняткі ў беларускіх школах распачнуцца сёлета як звычайна — 1 верасня. Пра гэта паведаміла прэс-служба Міністэрства адукацыі.
Нагадаем, што два апошнія гады з‑за таго, што 1 верасня прыпадала на выхадныя дні, пачатак навучальнага года пераносіўся. А завершыцца навучальны год для беларускіх школьнікаў 30 мая. Першая вучэбная чвэрць будзе доўжыцца з 1 верасня па 25 кастрычніка. Другая — з 3 лістапада па 27 снежня. Трэцяя — з 12 студзеня па 21 сакавіка і чацвёртая — з 30 сакавіка па 30 мая. Такім чынам, працягласць асенніх і вясенніх канікул складзе 8 дзён. Зімой школьнікі будуць адпачываць 15 дзён і 93 дні — летам. Для навучэнцаў 1 і 2 класаў у трэцяй чвэрці прадугледжаны дадатковыя канікулы працягласцю адзін тыдзень — з 16 па 22 лютага 2015 года. А для юнакоў і дзяўчат, якія завяршылі навучанне на ІІ ступені агульнай сярэдняй адукацыі, летнія канікулы распачнуцца 14 чэрвеня — пасля здачы выпускных экзаменаў за курс базавай школы.
Надзея НІКАЛАЕВА.
Мерапрыемства праводзіцца на добраахвотнай аснове.
Не выявіць ні секунды абыякавасці.