Супрацоўнікі крымінальнага вышуку УУС Магілёўскага аблвыканкама затрымалі падазраваных у наўмысным знішчэнні стацыянарнага датчыка хуткасці на ўчастку аўтадарогі Магілёў — Бабруйск.
Фотакамера коштам каля 25 тысяч еўра, якая прапала ў канцы ліпеня, была знойдзена спаленай у лесе, паведамілі ва ўпраўленні інфармацыі і грамадскіх сувязяў МУС. На гэты момант затрымалі дваіх падазраваных. Абодва — жыхары абласнога цэнтра, 1981 і 1985 года нараджэння. Месцазнаходжанне трэцяга падазраванага ўстанаўліваецца.
Як высветлілі аператыўнікі, вяртаючыся ноччу з рыбалкі, падазраваныя вырвалі пры дапамозе аўтамашыны апору з фотафіксатарам. У бліжэйшым лесе апарат разабралі на камплектныя часткі (частка з якіх канфіскавана ў маладых людзей), а корпус спалілі. Крымінальны артыкул, па якім заведзена справа, прадугледжвае пакаранне ў выглядзе пазбаўлення волі тэрмінам ад 7 да 12 гадоў (паколькі была нанесена шкода ў асабліва буйным памеры).
Міністэрства ўнутраных спраў папярэджвае, што вінаватыя ў падобных учынках прыцягваюцца да адказнасці па ўсёй строгасці крымінальнага заканадаўства. Апроч таго, у хуткім часе кожны з фотарадараў будзе весці кругласутачны відэазапіс, што істотна аблегчыць пошук злачынцаў.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.