З 1 верасня будзе праведзена індэксацыя тарыфаў на жыллёва-камунальныя паслугі з улікам росту сярэдняй зарплаты па краіне ў другім квартале.
Паводле Белстата, індэкс змены тэмпаў росту зарплаты у другім квартале склаў 9,8%. Гэта значыць, што з 1 верасня тарыфы на жыллёва-камунальныя паслугі таксама будуць праіндэксаваны на 9,8%. Пра гэта паведаміў учора журналістам дырэктар дэпартамента цэнавай палітыкі Міністэрства эканомікі Ігар Фамін. Пры гэтым ён заявіў, што будуць праіндэксаваны толькі тыя тарыфы, якія субсідуюцца, — гэта значыць, тыя, якія дасягнулі 100-працэнтнага ўзроўню кампенсацыі выдаткаў. Так, напрыклад, тарыфы па вывазе смецця ў асобных рэгіёнах не будуць падлягаць індэксацыі.
Змена тарыфаў прывязана да тэмпаў росту намінальнай заработнай платы з 1 студзеня гэтага года, пасля таго як уступіў у сілу Указ № 550 «Аб некаторых пытаннях рэгулявання тарыфаў (цэн) на жыллёва-камунальныя паслугі і ўнясенні змяненняў і дапаўненняў у некаторыя ўказы Прэзідэнта Рэспублікі Беларусь». Паводле гэтага ўказа, тарыфы цэнтралізавана павялічваюцца на 5 долараў у эквіваленце, а потым пераглядаюцца кожны квартал з улікам росту сярэдняй зарплаты па краіне.
Ігар Фамін паведаміў, што ўзровень кампенсацыі фактычнага сабекошту жыллёва-камунальных паслуг насельніцтвам за мінулы год склаў 24,4% Сёлета за першае паўгоддзе гэты паказчык павялічыўся да 31%. Да канца года, па словах кіраўніка дэпартамента цэнавай палітыкі, ён павінен яшчэ ўзрасці.
Святлана Бусько.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».