Крысціна Стараселец стала алімпійскай чэмпіёнкай юнацкіх гульняў у кітайскім Нанкіне
Упэўнена выйграўшы кваліфікацыйны заезд і паўфінал, брастаўчанка заваявала залаты медаль у класе лодак-адзіночак на дыстанцыі 1000 метраў у акадэмічным веславанні. Яе час на фінішы — 3: 51.33. Другой стала грачанка Аціна-Марыя Ангелопулу — 3: 51.59, а трэцяй — францужанка Каміле Джулет — 3: 53.80.
«Я на фінішы не зразумела, першая я ці другая. А калі абвясцілі, што першая, то я адразу сцяг узняла і пачала плакаць. Гэта першы медаль у веславанні на юнацкіх Алімпійскіх гульнях для Беларусі і тут, у Нанкіне. Сапраўдная гістарычная падзея атрымалася — не магу перадаць свае эмоцыі словамі. Вялікі дзякуй усім за падтрымку! Я вельмі шчаслівая, уся праца недарэмная...» — сказала Крысціна пасля фінішу.
Гэта другі залаты медаль у спартыўнай кар'еры Крысціны Стараселец. У канцы мая беларуска заваявала «золата» чэмпіянату Еўропы сярод юніёраў па акадэмічным веславанні, а ў 2013-м на гэтым жа турніры была другой. Настаўнік Крысціны — трэнер з 25-гадовым стажам Аляксандр Папенка.
«Золата» ў веславанні стала першым медалём у скарбонцы беларускай каманды на другіх летніх юнацкіх Алімпійскіх гульнях. Нагадаем, што ў турніры бяруць удзел 34 беларускія спартсмены ў 16 відах спорту. Гульні прадоўжацца да 27 жніўня.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».