Невядомыя выкралі ноўтбук прэм'ер-міністра Бельгіі Элія ды Рупа, паведамляе партал RTL.
Надзвычайнае здарэнне адбылося ў панядзелак, але прэса даведалася пра гэта толькі ў чацвер. Паліцыя паведаміла, што на цвёрдым дыску ўкрадзенага лэптопа захоўваліся важныя дакументы, якія тычацца ўнутранай палітыкі Бельгіі. Паводле мясцовай прэсы, у камп'ютары таксама маглі быць змешчаны канфідэнцыяльныя звесткі пра каралеўскую сям'ю. Ноўтбук з машыны прэм'ера выкралі, калі ён знаходзіўся ў спартзале. Кіроўца ў гэты час таксама адлучыўся: як ён пазней растлумачыў, хацеў купіць што-небудзь у бліжэйшай кнігарні.
Зладзеі ўзламалі аўтамабіль і забралі камп'ютар, які палітык неабачліва пакінуў у багажніку. Выявіўшы прапажу, прэм'ер і яго кіроўца неадкладна звярнуліся ў бліжэйшае аддзяленне паліцыі.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!