Супрацоўнікі падраздзялення па наркакантролі ўпраўлення ўнутраных спраў Мінаблвыканкама падчас адпрацоўкі асоб, якія ўжываюць наркотыкі, выйшлі на распаўсюджвальніка спайсаў — 21‑гадовага мінчаніна.
У маладога чалавека выяўлена і адабрана каля 800 грамаў (а гэта прыкладна 1600 разавых доз) гатовай да ўжывання курыльнай сумесі, якая мае ў сваім саставе псіхатропнае рэчыва AB -PІNACA. Атрута выраблялася ў спецыяльна арандаваным для гэтага гаражы з тытуню і псіхатропнага рэчыва. Яго мінчанін заказваў праз інтэрнэт і забіраў у «закладках». Такім жа чынам ён і збываў сваю прадукцыю. Зносіны з прадаўцом псіхатропу і пакупнікамі курыльных сумесяў вяліся праз Skype, а разлікі — з дапамогай сістэмы электронных грошай Easy Pay. Выключэнне хлопец рабіў толькі для сваіх добрых знаёмых, якім прадаваў зелле пры асабістай сустрэчы.
У дачыненні да затрыманага Заводскім раённым аддзелам Следчага камітэта г. Мінска заведзена крымінальная справа за незаконны абарот наркатычных сродкаў, псіхатропных рэчываў і іх прэкурсораў. Гандляру пагражае да 13 гадоў пазбаўлення волі.
Таццяна ЛАЗОЎСКАЯ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».