Прайсці міма гэтай падзеі ў парку Горкага было проста немагчыма. І прычына гэтага — пахі гастранамічных страў. Справа ў тым, што там адбываўся ўжо трэці Міжнародны кулінарны фестываль Смачнага блога. Усе, хто прыйшоў, маглі ўбачыць майстар-класы знакамітых кухараў, паказальныя выступленні, дэгустацыі, конкурсы, канцэрт. Аматары гатаваць маглі паспрабаваць паўтараць за прафесіяналамі.
У рамках фестывалю праходзіў другі Рэспубліканскі кулінарны турнір «Залаты Кіцель-2014». Прафесійныя кухары з усіх куткоў Беларусі прыехалі, каб спаборнічаць за званне найлепшага. Кухня была абсталявана так, каб усё адбывалася пад пільным наглядам суддзяў і гледачоў. Такім чынам была магчымасць не толькі паназіраць за спаборніцтвам, а яшчэ і дадаць новыя рэцэпты ў сваю кулінарную скарбонку. Кухары неаднаразова заяўлялі, што амаль усе стравы магчыма прыгатаваць дома. Таксама варта адзначыць, што кожны з удзельнікаў павінен быў зрабіць дзве порцыі — для суддзяў і гледачоў.
Сёлета кухары даказвалі свой прафесіяналізм не толькі ў гатаванні смачных страў, але і ў валоданні нажом: перамагаў той удзельнік, хто паспяваў нарэзаць больш цыбулі.
Сяргей Нікановіч, фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
