Грамадзянам Украіны, якія часова знаходзяцца ў нашай краіне, будзе аказана падтрымка
Гэта прадугледжана Указам «Аб знаходжанні грамадзян Украіны ў Рэспубліцы Беларусь», які падпісаў Прэзідэнт Аляксандр Лукашэнка. Указ прыняты ў сувязі з тым, што цяпер назіраецца ўстойлівая тэндэнцыя павелічэння колькасці грамадзян Украіны, якія прыбываюць у Беларусь з Данецкай і Луганскай абласцей, прававы статус якіх у Беларусі ў сацыяльнай і працоўнай сферах патрабуе ўрэгулявання.
Указ, у прыватнасці, спрашчае працэдуру прызначэння дзяржаўных дапамог грамадзянам Украіны, а таксама дазваляе забяспечыць грамадзянам Украіны, якія часова знаходзяцца ў Беларусі, права на атрыманне дашкольнай, агульнай сярэдняй і спецыяльнай адукацыі нароўні з непаўналетнімі грамадзянамі Беларусі.
Грамадзяне Украіны вызваляюцца ад неабходнасці прадстаўляць ва ўстановы адукацыі Беларусі ў мэтах залічэння іх непаўналетніх дзяцей дакументы, якія не могуць быць прадстаўлены па аб'ектыўных прычынах. Гэтая мера дазволіць дзецям прадоўжыць адукацыю і атрымаць доступ да сацыяльнай абароны навучэнцаў (карыстанне падручнікамі і вучэбнымі дапаможнікамі; забеспячэнне харчаваннем, месцамі для пражывання ў інтэрнатах; транспартнае забеспячэнне і іншае).
Указ таксама вызваляе ад выплаты дзяржаўнай пошліны за выдачу дазволаў на прыцягненне ў Беларусь замежнай рабочай сілы і спецыяльных дазволаў на права займацца працоўнай дзейнасцю ў Беларусі. Пры гэтым тэрмін прыняцця рашэння аб выдачы (адмове ў выдачы) спецыяльных дазволаў на права займацца працоўнай дзейнасцю ў Беларусі грамадзянам Украіны не можа перавышаць пяці рабочых дзён, а тэрмін прадастаўлення заключэння аб магчымасці (немагчымасці) іх прыцягнення — двух працоўных дзён.
Прыняцце ўказа не прывядзе да дадатковых выдаткаў рэспубліканскага бюджэту, адзначаюць у прэс-службе беларускага лідара.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.