Суд Быхаўскага раёна вынес прысуд у дачыненні да двух браканьераў з вёскі Новы Быхаў, якіх затрымалі на Дняпры за незаконнай лоўляй рыбы сеткамі. Тыя за кароткі тэрмін паспелі здабыць 827 асобін розных відаў рыбы. Цяпер ім трэба пакрываць нанесеную прыродзе шкоду ў памеры 18,5 мільёна рублёў. Апроч гэтага яны абодва пазбаўлены волі тэрмінам на два гады з адтэрміноўкай пакарання на 12 месяцаў.
Прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Вольга Грамовіч прывяла яшчэ не адзін прыклад, калі за парушэнне прыродаахоўнага заканадаўства браканьерам даводзілася адказваць немалымі сумамі штрафаў.
Паляўнічаму-нелегалу, які незаконна здабыў самку дзіка на тэрыторыі Быхаўскага лясгаса, суд прызначыў пакаранне ў выглядзе штрафу 15 мільёнаў рублёў. Акрамя яго, браканьер раней пакрыў нанесеную прыроднаму асяроддзю шкоду ў памеры 6 мільёнаў рублёў. Паляўнічы з Салігорска прызнаны вінаватым у незаконнай здабычы казулі і прыгавораны да выплаты штрафу ў 13 мільёнаў. Гэта нягледзячы на тое, што браканьер прызнаў сваю віну і добраахвотна пакрыў нанесеную шкоду ў памеры 7,8 мільёна рублёў. Жыхара вёскі Смычак, які лавіў рыбу сеткамі на возеры Кольскае, суд Буда-Кашалёўскага раёна прыгаварыў да выплаты 8 мільёнаў штрафу. Паколькі парушэнне было здзейснена ў перыяд забароны, нанесеная прыродзе шкода была памножана на тры і склала 13 мільёнаў рублёў. Штраф на гэтую суму браканьер павінен будзе заплаціць.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».