Калі работнікам Любанскай міжрайінспекцыі паведамілі пра незаконнае паляванне каля вёскі Красная Старонка Слуцкага раёна, тыя сапраўды на месцы знайшлі напаўразабраную тушу лася. А яшчэ — сляды ад пратэктараў аўтамабіля «УАЗ», якія вялі да вёскі...
Падчас аператыўных мерапрыемстваў устанавілі падазраванага. Пры аглядзе дома яго маці былі знойдзены пяць поліэтыленавых пакетаў, у якіх ляжалі сэрца, пячонка і ныркі дзікай жывёлы, а таксама мужчынскае адзенне з плямамі бурага колеру і паляўнічы нож са слядамі тлушчу і поўсці. У двары стаяў аўтамабіль «УАЗ» без нумарных знакаў. У яго багажніку дзяржінспектары таксама заўважылі плямы крыві і поўсць лася. Месцазнаходжанне паляўнічага-нелегала зараз устанаўліваецца. Слуцкі раённы аддзел Следчага камітэта завёў крымінальную справу за незаконнае паляванне, якое пацягнула нанясенне шкоды прыродзе ў асабліва буйным памеры — на суму 300 базавых велічынь.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.