або Астап Бендэр з мадам Грыцацуевай адпачываюць
Супрацоўнікі Цэнтральнага РУУС сталіцы затрымалі маладога чалавека, які ўваходзіў у давер да дзяўчат і завалодваў іх рэчамі. Ім аказаўся 30-гадовы раней неаднаразова судзімы за махлярства і крадзяжы ўраджэнец Бабруйска. Пражываў ён у Асіповічах, хаця, як высветлілася, геаграфія яго знаёмстваў толькі гэтым горадам не абмяжоўвалася.
Малады чалавек заводзіў іх у сацыяльных сетках, падыходзіў да дзяўчат на вуліцах, у парках, кавярнях і г.д. Кавалер прапаноўваў схадзіць на прагулку, у кіно, пры гэтым прыгожа заляцаўся. Не забываўся мімаходзь заўважыць, што ён вельмі забяспечаны, але, вось бяда, адзінокі. Некаторым з дзяўчат малады чалавек прапаноўваў уступіць з ім у шлюб, нават знаёміўся з бацькамі «нявесты», дарыў «каханым» залатыя заручальныя пярсцёнкі, якія, як высветлілася пазней, былі зусім не з каштоўнага металу.
Паводле інфармацыі Цэнтральнага РУУС г. Мінска, «жаніх» меў рамантычныя стасункі адразу з некалькімі ахвярамі. У яго знайшлі восем мабільных тэлефонаў і мноства сім-карт, якія былі зарэгістраваныя на... дзяўчат, з якімі ён сустракаўся. За дзень малады чалавек паспяваў убачыцца адразу з некалькімі прадстаўніцамі чароўнага полу, а таксама пісаў ім СМС-паведамленні. Адначасова гэты прайдзісвет здымаў некалькі кватэр. Прычым кожнай з дзяўчат гаварыў, што жыллё належыць яму і ён хоча, каб яго абранніца пераехала да яго жыць. Дзяўчаты пагаджаліся, перавозілі ў кватэру свае рэчы, а праз некалькі дзён «жаніх» знікаў разам з імі.
З адной з пацярпелых, напрыклад, зламыснік пазнаёміўся на заправачнай станцыі, дзе тая працавала. Прапанаваў схадзіць на прагулку, пачаў сустракацца з дзяўчынай. У якасці пацвярджэння сваіх рамантычных пачуццяў паабяцаў звазіць яе на Кіпр, нават узяў пашпарт «абранніцы» — для «афармлення» візы. Потым зняў чарговую кватэру, якую выдаў зноў за сваю ўласную, быццам бы набытую спецыяльна для сумеснага пражывання. Вядома, дзяўчына перавезла да «жаніха» свае рэчы. А праз колькі часу выявіла знікненне іх разам з грашыма, іншымі каштоўнасцямі на агульную суму больш як 50 мільёнаў рублёў. Не было ў кватэры і «каханага»... Яшчэ адну дзяўчыну малады чалавек угаварыў аформіць на сябе крэдыт, а грошы перадаць яму. Увогуле, праваахоўнікі мяркуюць, што спіс ахвяр можа быць нашмат большым, чым вядома зараз.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.