Кнігі Выдавецкага дома «Звязда» прадстаўлены на міжнароднай выставе ў Маскве
Міністэрства інфармацыі Беларусі прадставіла нацыянальны стэнд на 27-й Маскоўскай міжнароднай кніжнай выставе-кірмашы. Яго прэзентацыя адбылася ўчора адразу ж пасля афіцыйнага адкрыцця кніжнага форуму, паведамляе БЕЛТА.
Як адзначыў на цырымоніі адкрыцця стэнда саветнік-пасланнік Пасольства Беларусі ў Расіі Павел Лёгкі, Беларусь традыцыйна прадстаўляе ў Маскве дасягненні айчыннага кнігавыдання. Вось і на гэты раз беларуская дэлегацыя прывезла ў Маскву больш за 600 найменняў кніг, выпушчаных выдавецтвамі «Беларусь», «Выдавецкі дом «Беларуская навука», «Беларуская энцыклапедыя імя Петруся Броўкі», «Вышэйшая школа», «Мастацкая літаратура», «Народная асвета», «Выдавецкі дом «Звязда», «Пачатковая школа», «Адукацыя і выхаванне», Беларускага дзяржаўнага эканамічнага ўніверсітэта, РУП «Белкартаграфія», а таксама ААТ «Паліграфкамбінат імя Якуба Коласа».
У гэтым годзе арганізатары беларускага стэнда зрабілі акцэнты на трох тэмах. Перш за ўсё гэта 70-годдзе вызвалення Беларусі ад нямецка-фашысцкіх захопнікаў. Акрамя таго, на стэндзе вылучаны выстава Уладзіміра Ліхадзедава «У пошуках страчанага», прысвечаная Першай сусветнай вайне, і выдавецкія праекты Саюзнай дзяржавы.
На маскоўскім кірмашы Беларусь прадставіла кніжныя навінкі шырокага спектру розных тэматычных кірункаў: вучэбная, вучэбна-метадычная, навуковая, навукова-папулярная, даведачная, энцыклапедычная, дзелавая літаратура, літаратурна-мастацкія і дзіцячыя выданні. Акрамя таго, беларускія кнігі прадстаўлены таксама ў рамках арганізаванага Асацыяцыяй кнігавыдаўцоў Расіі Славянскага кніжнага свята.
Мерапрыемства праводзіцца на добраахвотнай аснове.
Не выявіць ні секунды абыякавасці.