Інстытут інфармацыйных тэхналогій БДУІР запрашае падлеткаў на курсы ў Акадэмію інфарматыкі для школьнікаў.
Вучні 7—11-х класаў змогуць прайсці ў акадэміі шматузроўневую падрыхтоўку ў галіне інфармацыйных тэхналогій па наступных кірунках: карыстальнік персанальнага камп'ютара, камп'ютарная графіка, web-майстар, асновы распрацоўкі сайтаў, web-тэхналогіі, асновы распрацоўкі web-дадаткаў, праграмаванне на мовах Delphі,С/ С++/С#, камп'ютарныя сеткавыя тэхналогіі.
Упершыню курсы па інфарматыцы і праграмаванню для вучняў 7—10-х класаў былі арганізаваны вясной гэтага года. Выкладчыкі былі прыемна здзіўлены мэтанакіраванасцю падлеткаў, якія наведвалі заняткі. Парадавала, што ў часы камп'ютарных забаў і развіцця сацыяльных сетак, ёсць шмат школьнікаў, якія імкнуцца выкарыстоўваць камп'ютары не толькі для баўлення часу, але і для асваення розных камп'ютарных тэхналогій.
Пасля паспяховага завяршэння вясенніх курсаў з'явілася ідэя стварыць курсы, якія школьнікі змогуць наведваць на працягу ўсяго навучальнага года. Заняткі будуць праходзіць два разы на тыдзень. Працаваць са школьнікамі будуць вопытныя выкладчыкі ўніверсітэта. Пры паспяховай здачы экзамену за год вучань атрымае сертыфікат ІІТ БДУІР. У падлеткаў, якія спыняцца на кірунку «Карыстальнік персанальнага камп'ютара», будзе магчымасць прайсці тэсціраванне і атрымаць сертыфікат міжнароднага ўзору ECDL (Права еўрапейскага ўзору на кіраванне камп'ютарам).
Надзея НІКАЛАЕВА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».