НАТА вітае намаганні па мірным вырашэнні канфлікту на ўсходзе Украіны. Такім чынам генеральны сакратар альянсу Андэрс Фог Расмусэн адказаў на пытанне, якое датычыцца прапаноў прэзідэнта Расіі Уладзіміра Пуціна па ўрэгуляванні сітуацыі ў Данбасе.
Пры гэтым Расмусэн адзначыў, што больш важная рэальная сітуацыя ў рэгіёне, перадае Rеutеrs. Генеральны сакратар зараз знаходзіцца ў Ньюпарце (Вялікабрытанія), дзе праходзіць двухдзённы саміт НАТА. Расмусэн зноў сцвярджае, што расійскія вайскоўцы прымаюць удзел у канфлікце ва Украіне. «Мы маем справу з сітуацыяй у галіне бяспекі, якая сур'ёзна змянілася», — падкрэсліў ён. Прэзідэнт Расіі 3 верасня апублікаваў план па дасягненні міру на ўсходзе Украіны. Гэты план уключае ў сябе сем пунктаў. Сярод іх — абмен бакамі канфлікту палоннымі па формуле «ўсіх на ўсіх», устанаўленне рэжыму спынення агню і адкрыццё гуманітарных калідораў для дастаўкі дапамогі ў Данбас.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.