Шведскія навукоўцы разабраліся, чым менавіта мёд карысны для здароўя і якія рэчывы забяспечваюць яго бактэрыцыдныя ўласцівасці.
Гэта ўнікальная група з 13 малочнакіслых бактэрый, якія трапляюць у мёд з мядовага валля пчол. У лабараторных умовах гэтыя бактэрыі былі выпрабаваны на некалькіх небяспечных патагенных арганізмах, сярод якіх метыцылінарэзістэнтны залацісты стафілакок, сінегнойная палачка і ванкаміцінарэзістэнтны энтаракок. Усе гэтыя мікробы былі знішчаны дзякуючы актыўным злучэнням, якія выдзяляюцца малочнакіслымі бактэрыямі. Потым навукоўцы змазалі свежым мёдам незагойныя раны некалькіх коней. У выніку ўсе язвы вылечыліся. На думку даследчыкаў, сакрэт эфектыўнасці мёду — у шырокім дыяпазоне дзейных рэчываў. 13 малочнакіслых бактэрый здольныя падбіраць патрэбны «кактэйль» у залежнасці ад пагрозы. Аднак у мёдзе, які прадаецца ў крамах, жывых бактэрый няма, што вельмі моцна аслабляе яго антымікробныя ўласцівасці.
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.