А энергія на ацяпленне будзе таннейшай уначы
У Беларусі павышаны тарыфы на электрычную энергію для садовых таварыстваў і гаражных кааператываў. Гэта прадугледжана пастановай Міністэрства эканомікі ад 29 жніўня 2014 года № 64, якая апублікавана на Нацыянальным прававым інтэрнэт-партале і ўступіла ў сілу.
У адпаведнасці з дакументам, тарыфы на электраэнергію павышаны для арганізацый аховы здароўя, якія аказваюць медыцынскую дапамогу ў стацыянарных умовах, пратэзна-артапедычных аднаўленчых цэнтраў, стацыянарных устаноў сацыяльнага абслугоўвання, рэлігійных арганізацый; арганізацый, якія ажыццяўляюць эксплуатацыю жыллёвага фонду, садоўніцкіх таварыстваў і дачных кааператываў. Для гэтых катэгорый кошт 1 кВтг складае 818,9 беларускіх рублёў (раней было 745,9).
Выключэннем з'яўляецца энергія для патрэб ацяплення і гарачага водазабеспячэння з далучанай (сумарнай) магутнасцю абсталявання больш за 5 кВт. Для гэтай катэгорыі ў перыяд мінімальных нагрузак (з 23.00 да 6.00) кошт 1 кВтг складае 818,9 рублёў, у астатні час сутак — 2456,7 за 1 кВт г.
«У сувязі з прыняццем пастановы Савета Міністраў ад 27 жніўня 2014 года № 834, якая прадугледжвае індэксацыю на 9,8% коштаў на прыродны газ і тарыфаў на электрычную і цеплавую энергію, якія рэалізуюцца насельніцтву, Мінэканомікі прынята рашэнне аб аналагічным змяненні цэн (тарыфаў) на камунальныя паслугі, якія аказваюцца арганізацыямі Міністэрства энергетыкі асобным катэгорыям спажыўцоў, што маюць цэны (тарыфы) на гэтыя энергарэсурсы на ўзроўні цэн (тарыфаў) для насельніцтва», — пракаментавалі ў Мін-
эканомікі.
Акрамя таго, вызначаны тарыф для гаражных кааператываў, а таксама кааператываў, якія ажыццяўляюць эксплуатацыю аўтамабільных стаянак, на ўзроўні 1467,5 рублёў за 1 кВтг (да гэтага — 917,2).
У міністэрстве таксама паведамілі, што, згодна з пастановай Мін-
эканомікі ад 29 жніўня № 61, «у мэтах забеспячэння эфектыўнасці фінансава-эканамічнай дзейнасці нафтаперапрацоўчых арганізацый пры рэалізацыі звадкаваных газаў юрыдычным асобам» павышаны на 9,7% гранічныя максімальныя адпускныя цэны на звадкаваны газ для юрыдычных асоб, прызначаны для рэалізацыі на ўнутраным рынку. Гэтае рашэнне не тычыцца коштаў на звадкаваны газ для насельніцтва.
Уладзіслаў КУЛЕЦКІ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.