Дасталі з салона пяць чалавек
Пра аварыю на вуліцы Зарэчнай у Гродне выратавальнікам ранкам паведаміў відавочца здарэння: маюцца пацярпелыя, якіх заблакіравала ў аўтамабілі.
На месцы высветлілася, што «Аўдзі А4» перакулілася ў кювет. Выратавальнікі дасталі з салона пяць чалавек — кіроўцу і чатырох пасажыраў. Яны былі шпіталізаваны з траўмамі рознай ступені цяжару.
Сутыкнуліся два таксі і яшчэ легкавік
У Мінску выратавальнікі дэблакіравалі кіроўцу таксі, які сутыкнуўся з маршруткай і яшчэ адным легкавым аўтамабілем.
Здарэнне адбылося на вуліцы Маскоўскай а палове пятай вечара. Работнікаў МНС выклікалі відавочцы дарожна-транспартнага здарэння. На месцы высветлілася, што сутыкнуліся легкавы аўтамабіль таксі «Аўдзі А6», аўтамабіль «Хендай Сантафе» і маршрутнае таксі «Мерседэс Спрынтар». Да прыбыцця выратавальнікаў салон таксі самастойна пакінула 28-гадовая жанчына з сынам 2014 года нараджэння. Іх шпіталізавалі з чэрапна-мазгавымі траўмамі лёгкай ступені. У салоне маршрутнага таксі знаходзіліся пяць пасажыраў, яны не пацярпелі. Работнікі МНС пры дапамозе гідраўлічнага інструмента дэблакіравалі кіроўцу аўтамабіля таксі «Аўдзі А6». Ён атрымаў траўмы рознай ступені цяжару.
Кіроўцу забіла токам
У дарожна-транспартным здарэнні ў Мінскім раёне загінуў 23-гадовы кіроўца грузавіка.
Як паведамілі ў Мінскім абласным упраўленні МНС, вадзіцель самазвала «МАЗ» ехаў па кукурузным полі паблізу вёскі Клюі і збіў жалезабетонную апору лініі электраперадач. У выніку наезду на провад адбылося загаранне двух пакрышак аўтамабіля з левага боку.
Сяргей РАСОЛЬКА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.