Вы тут

Для кемлівых


Апублікавана ў газеце "Літаратура і мастацтва" №37

___________________________________________________________________________

Тэматычная гарадская гульня для пешаходаў і веласіпедыстаў «Чытай-Горад» адбудзецца заўтра ў Мінску. Акцыя прымеркавана да Дня бібліятэк, які адзначаўся 15 верасня, а таксама агульнаеўрапейскага Тыдня мабільнасці.

Мінск

Маршрут гульні пройдзе па самых літаратурных мясцінах сталіцы, а знаўцаў гарадской гісторыі і геаграфіі чакаюць логіку і заданні і загадкі на кемлівасць. На фінішы самыя хуткія будуць узнагароджаны спецыяльнымі прызамі і памятнымі падарункамі.

Старт і фініш гульні ― каля Нацыянальнай бібліятэкі Беларусі, ключавыя кропкі ― самыя незвычайныя кніжніцы Мінска: бібліятэчка пад адкрытым небам, спецыяльная кніжніца для сляпых, нотна-музычная, прыхадская, «бібліятэка на даху» і іншыя арыгінальныя кніжныя пункты.

У мерапрыемстве могуць браць удзел усе жадаючыя, цікаўныя і актыўныя. Сярод арганізатараў гульні — Беларуская бібліятэчная асацыяцыя, Нацыянальная бібліятэка Беларусі, Навуковая бібліятэка БНТУ.

У межах гульні «Чытай-Горад» адбудзецца таксама афіцыйнае адкрыццё першай у Беларусі міні-бібліятэкі пад адкрытым небам. Нядаўна Навуковая бібліятэка БНТУ далучылася да міжнароднага некамерцыйнага праекта «Маленькія бясплатныя бібліятэкі». Гэта хаткі, пабудаваныя спецыяльна для свабоднага абмену выданнямі. Іх становіцца ўсё больш. Кожная міні-кніжніца мае ўласны рэгістрацыйны нумар, а на сайце праекта http://littlefreelibrary.org можна знайсці яе каардынаты. Мінская хатка з'явілася на алеі перад галоўным корпусам БНТУ.

Раіса МАРЧУК

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».