Брытанскія вучоныя прыдумалі новы спосаб вызначыць, наколькі тая ці іншая жанчына схільная да захворвання на рак грудзей. Спецыялісты ўніверсітэцкага каледжа Лондана нагадалі, што паўната павышае рызыку захворвання на рак. Тое, як хутка жанчына набірала вагу, можна высветліць, даведаўшыся, як часта яна мяняла памер спадніцы. За пункт адліку вырашана было браць той памер, які быў у дамы прыкладна ў 25 гадоў.
Аказалася, што ў жанчын, якія пасля 25 ці кожнае дзесяцігоддзе куплялі сабе вопратку на памер больш, рызыка атрымаць рак грудзей пасля наступлення менапаўзы была на 33% вышэйшай, чым у іх больш стабільных аднагодак, паведамляе BBC. У тых жа, хто набіраў вагу яшчэ хутчэй і за дзесяць гадоў паспяваў памяняць два памеры, рызыка павышаецца да 77%. Каментуючы вынікі даследавання, спецыялісты адзначылі, што рак малочнай залозы можна прадухіліць, калі змяніць лад жыцця і падтрымліваць сябе ў форме. Жанчынам неабходна асабліва старанна сачыць за сваёй вагой і колькасцю тлушчавых адкладанняў. Асабліва гэта тычыцца таліі — менавіта тут лішнія сантыметры сведчаць аб магчымай рызыцы захворвання.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
