Коратка

Расія прадаставіць Беларусі крэдыт у эквіваленце $1 млрд 550 млн, паведамілі ў Міністэрстве фінансаў.

Вядомы спартсмен, намеснік старшыні Пастаяннай камісіі Палаты прадстаўнікоў Нацыянальнага сходу Беларусі па ахове здароўя, фізічнай культуры, сямейнай і маладзёжнай палітыцы Вадзім Дзевятоўскі выбраны ўчора старшынёй Беларускай федэрацыі лёгкай атлетыкі.

У Беларусі за апошнія 10 гадоў колькасць людзей пажылога ўзросту павялічылася на 74,8 тыс. чалавек, або на 4,2%. На пачатак 2014 года ў рэспубліцы іх пражывала 1 млн 879,9 тыс., што складае 19,9% ад колькасці насельніцтва. Сярод іх жанчын было 1 млн 224,6 тыс. чалавек, мужчын — 655,3 тыс. чалавек.

Нацыянальны аэрапорт Мінск прыняў двухмільённага пасажыра 2014 года. Ім стаў пасажыр рэйса авіякампаніі «Белавія» з Масквы. «Такі ўражальны вынік у гісторыі авіяпрадпрыемства дасягнуты другі раз запар з савецкіх часоў», — адзначылі спецыялісты.

Па версіі партала для падарожнікаў Trаvеl.ru, Мінск узначаліў рэйтынг 50 гарадоў Еўропы для паездак на лістападаўскія святы.