Вы тут

Плаціць па рахунках


Прэзідэнт Аляксандр Лукашэнка запатрабаваў у Банка развіцця больш строга ставіцца да спагнання пратэрмінаваных крэдытаў.

Такую задачу ён паставіў, прымаючы з дакладам старшыню праўлення ААТ «Банк развіцця Рэспублікі Беларусь» Сяргея Румаса, паведамляе БЕЛТА.

Кіраўнік дзяржавы раскрытыкаваў пазіцыю Банка развіцця па спагнанні праблемных пазык і запатрабаваў працаваць не толькі з пазычальнікамі, якія дапускаюць пратэрмінаваныя даўгі (у асноўным гэта сельгаспрадпрыемствы), але і з аблвыканкамамі.

«Мы дамаўляліся, што ў банку ніякай дабрачыннасці быць не павінна. Банк павінен функцыянаваць на жорсткіх умовах і падтрымліваць толькі тыя праекты, якія будуць акупляцца, пры гэтым пажадана ў кароткатэрміновай перспектыве», — падкрэсліў Аляксандр Лукашэнка.

Сяргей Румас далажыў кіраўніку дзяржавы аб выніках работы Банка развіцця за 9 месяцаў бягучага года, а таксама аб тым, што парадак дня пасяджэнняў кіраўнікоў дзяржаў СНД і Вышэйшага Еўразійскага эканамічнага савета на ўзроўні кіраўнікоў дзяржаў сфарміраваны (Сяргей Румас — член Савета Еўразійскай эканамічнай камісіі). Ён паведаміў, што заканчваецца падрыхтоўка падагульняльных дакументаў. Напярэдадні адбыўся савет ЕЭК у рэжыме відэаканферэнцыі. Большая частка пытанняў, якія ўносяцца на Вышэйшы Еўразійскі эканамічны савет, узгоднена, усяго парадак дня налічвае
13 пытанняў.

Звяртаючыся да Сяргея Румаса як да старшыні Беларускай федэрацыі футбола, кіраўнік дзяржавы зазначыў, што трэба звярнуць сур'ёзную ўвагу на гульню нацыянальнай зборнай. «Калі казаць шчыра, акрамя апошняй гульні БАТЭ, няма на што глядзець і няма чаму радавацца, асабліва зборнай», — сказаў Прэзідэнт. «Трэба сур'ёзную ўвагу звярнуць на нашу нацыянальную зборную, таму што гэта вельмі дрэнны сігнал як для кіраўніка федэрацыі, так і для федэрацыі ў цэлым», — дадаў Аляксандр Лукашэнка.

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.