Штотыдзень у эфіры тэлеканала «Беларусь‑3» — гульня «Размаўляем па-беларуску». Магчыма, і вы, паважаныя чытачы нашай газеты, жадаеце стаць яе ўдзельнікамі?
Заходзьце на сайт http://tvrgomel.by або сайт канала «Беларусь‑3» http://3belarus.by і праз банер «Размаўляем па-беларуску» запаўняйце заяўку на ўдзел каманды з трох чалавек.
Ці ведалі вы, што:
Абуваць у лапці — ашукваць, хітраваць, падманваць (рус. — обводить вокруг пальца, втирать очки, водить за нос), бел. сінонім — пускаць пыл у вочы, пускаць туман, плот гарадзіць, забіваць бакі, настаўляць акуляры, круціць хвастом…
Збоку прыпёку — непатрэбны, лішні, чужы і недарэчны (рус. — как сабаке пятая нога, как зайцу стоп-сигнал), бел. сінонім — як сабаку другі хвост, як рыбе парасон, прышый кабыле хвост. Выраз, вырагодна, узнік у мове пекараў, дзе прыпёкай называюць тое лішняе, непатрэбнае, што прыліпла збоку да печыва пры выпяканні. Першапачатковая форма — збоку прыпёка.
Прына́мсі — ва ўсякім разе (пабочнае слова. Да вечара дзень цягнуўся вельмі марудна, прынамсі яму так здавалася).
Талака́ — сумесная праца, узаемадапамога («Горад Талачын на Беларусі ў гонар талакі, відаць, узводзіўся», — пісаў Рыгор Барадулін).
На́йміт — наёмны работнік, парабак.
Кудзе́ля — валакністая частка лёну, пянькі (кудзеля прадзецца, кросны ткуцца, палатно беліцца).
Ку́бел — ёмістасць для захавання рэчаў ці прадуктаў (плецены ці бандарны выраб, прадзед скрыні, куфра).
Го́ні — адрэзак паласы ворнай зямлі (гоні ў прамым сэнсе — гэта адрэзак ворнай зямлі, а ў пераносным — ніва, зямля (жнеі дажыналі гоні).
Чарговы выпуск тэлевіктарыны глядзіце на «Беларусь 3» 4 кастрычніка ў 11.25.
Ірына АСТАШКЕВІЧ.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.