У бліжэйшыя суткі тэрыторыя Беларусі яшчэ застанецца пад уплывам цёплых паветраных мас з «прапіскай» на паўднёвым захадзе Еўропы, паведаміў начальнік аддзела метэаралагічных прагнозаў Рэспубліканскага гідраметцэнтра Мінпрыроды Аляксандр Бяганскі.
Таму сёння будзе пераважна без ападкаў, толькі месцамі па паўночнай палове краіны пройдуць непрацяглыя дажджы. Максімальная тэмпература паветра складзе плюс 13-19 градусаў. Потым надвор'е пачне паціху пагаршацца. У сераду і чацвер Беларусь трапіць пад уплыў цыклону, які рухаецца да нас з боку Польшчы. Таму ў гэтыя дні паўсюдна чакаюцца дажджы рознай інтэнсіўнасці. Уначы і раніцай месцамі туман і пахаладае. Тэмпература паветра ў ноч на сераду будзе яшчэ 7-15 цяпла, удзень — плюс 11-18 градусаў, па Гомельскай вобласці нават да 20 цяпла. У ноч на чацвер стане 6-12 цяпла, а ўдзень тэмпература паветра павялічыцца толькі да плюс 8-15 градусаў, праўда на поўдні — да 18 цяпла.
Паводле доўгатэрміновых прагнозаў айчынных спецыялістаў, нават напрыканцы тыдня ў Беларусі захаваецца дажджлівае надвор'е і стане на 2-3 градусы халадней. Разам з тым, у ноч на пятніцу замаразкаў яшчэ не прадбачыцца. Так, крыху памёрзнем, але ў трэцяй дэкадзе кастрычніка мы чакаем чарговую хвалю бабінага лета.
Сяргей КУРКАЧ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».